កំពង់ឆ្នាំង ៖ លោកវេជ្ជ:បណ្ឌិត សូរិន្ទី រ៉ាវុឌ្ឍុី ដែលជាប្រធានមន្ទីរពេទ្យបង្អែកខេត្តកំពង់ឆ្នាំង ត្រូវបានតែងតាំងជាអនុប្រធានមន្ទីសុខាភិបាលខេត្ត និង លោកវេជ្ជ:បណ្ឌិត ទុំ សម្បត្តិ ដែលជាអនុប្រធានមន្ទីរពេទ្យបង្អែកខេត្តកំពង់ឆ្នាំងត្រូវបានតែងតាំងជាប្រធានមន្ទីរពេទ្យបង្អែកខេត្តកំពង់ឆ្នាំង។
ពិធីប្រកាសតែងតាំងចូលកាន់តំណែងថ្មីនេះធ្វើឡើង នៅរសៀលថ្ងៃទី ១៧ ខែមករា ឆ្នាំ២០២០ ក្រោមអធិបតីភាព ឯកឧត្តម អម សុភា អភិបាលរងខេត្តកំពង់ឆ្នាំង ព្រមទាំងមានការអញ្ជើញចូលរួមពីប្រធានមន្ទីរសុខាភិបាល លោក ប្រាក់ វ៉ុន រួមទាំងមន្ត្រីរាជការជាច្រើនរូប ។
ឯកឧត្តម អម សុភា បានផ្តាំផ្ញើនាក់ដឹកនាំទើបតែងតាំងថ្មីត្រូវខិតខំបំពេញភារកិច្ចឲ្យបានល្អ និង ត្រូវសហការសាមគ្គីដើម្បីបំរើសេវាសុខាភិបាលជូនប្រជាពលរដ្ឋ បានទាន់ពេលវេលាប្រកបដោយ គុណធម៌ សីលធម៌ និង វិជ្ជាជីវ:៕
