មន្ទីរ​ពេទ្យ​ខេត្តកំពង់​ឆ្នាំង​៖ របាយ​ការណ៍​ដែល​ចែកចាយ​​តៗ​​គ្នា​​​តាម​​​បណ្តាញ​​​សង្គ​ម​​​ហ្វេស​​​បុក មិន​​មែន​​ជា​​ករណី​​វិជ្ជមាន​កូវីដ១៩​នោះទេ ​កុំ​មាន​ការ​យល់​ច្រលំ​

កំពង់ឆ្នាំង៖ បន្ទាប់ពីមានការចែកចាយតៗគ្នាតាមបណ្តាញសង្គមហ្វេសបុក អំពីរបាយការណ៍ យកអ្នកដំណើរ ពីបរទេស​មក​ធ្វើ​ចត្តា​ឡី​ស័ក នៅមណ្ឌល​ចត្តាឡី​ស័ករ​បស់​មន្ទីរ​ពេទ្យ​ខេត្តកំពង់ឆ្នាំង ​​បាន​ធ្វើអោយ​សាធារណជន​ចំនួន​មាន​ការ​យល់​ច្រលំនោះ​ នៅ​​យប់​​ថ្ងៃទី២៧ ខែមិថុនា ឆ្នាំ២០២០នេះ មន្ទីរពេទ្យខេត្តកំពង់ឆ្នាំង បាន​ចេញ​មក​អំពាវ​នាវ​ដល់​សាធារណជន​ទាំង​អស់​មេត្តា​បញ្ឈប់​ការចែកចា​យព័ត៌មាន​ដែល បានធ្វើអោយមានការ​យល់ច្រលំ និង​មាន​ផលប៉ះ​ពាល់​ដល់​សាមីជននេះបន្តទៀត។

មន្ទីរ​ពេទ្យ​ខេត្ត​កំពង់​ឆ្នាំង បាន​បញ្ជាក់​ថា របាយ​ការណ៍ខាង​លើនោះ​មិនមែន​ជាករណី​វិជ្ជមាន​កូវីដ១៩​នោះទេ​ គឺជា​ការ​អនុវត្តនូវ​វិធាន​ការ​ចត្តាឡីស័ករយ:ពេល១៤ថ្ងៃ តាម​គោលការណ៍​ណែនាំរ​បស់​ក្រសួង​សុខា​ភិបាល ចំពោះ​អ្នក​ដំណើរ​មក​កាន់​ប្រទេស​កម្ពុជា​ ហើយ​អ្នកទាំង​៧នា​ក់​មានលទ្ធ​ផល​តេស្តអវិជ្ជមាន​ពេល​មក​ដល់​ព្រលាន​យន្តហោះម្តង​ហើយ​៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង