ឆេះ​រោង​ចក្រ​ផលិត​កេស​ស្នោរមួយកន្លែង​នៅ​ស្រុក​ព្រៃនប់ ខេត្តព្រះ​សីហ​នុ

អគ្គិភ័យ​បានឆាប​ឆេះ​រោងចក្រ​ផលិត​កេស​ស្នោមួយកន្លែង​ កាល​ល្ងាចថ្ងៃទី០៧ ខែឧសភា ឆ្នាំ២០២០នេះ ស្ថិត​ក្នុង​ភូមិ​ព្រែក​ប្រស់​ ឃុំទឹកថ្លា ស្រុកព្រៃនប់ ខេត្តព្រះសីហនុ ។

សមត្ថកិច្ច​ខេត្តព្រះ​សីហនុ បាន​បញ្ជាក់​ថា រោងចក្រ​ដែល​​ត្រូវភ្លើង​ឆេះនេះ មាន​ទទឹង​ប្រវែង ៥៤​ម៉ែត្រ និ​ង បណ្តោយ​ប្រវែង​៧០​ម៉ែត្រ​ សាង​សង​ពីដែក​ និង​ស័ង្ក​សី​ ដំបូល​ប្រក​ស័ង្កសី ជញ្ជាំ​ងឥដ្ឋ បាត​ក្រោម​ចាក់​សាប​ស៊ី​ម៉ង​តិ៍ ជា​កម្មសិទ្ធិរបស់​រោងចក្រ​ស័ង ហ័ន។

កម្លាំងរបស់អធិការដ្ឋាននគរបាល ស្រុកព្រៃនប់ ខេត្តព្រះសីហនុ ខេត្តកំពត បានរួមគ្នាបាញ់ទឹកពន្លត់ ដោយ​ប្រើរថយន្ត​ពន្លត់​អគ្គីភ័យ​ចំនួន០៧គ្រឿង ក្នុងនោះមកពីខេត្តព្រះសីហនុ ចំនួន០៣គ្រឿង និងខេត្តកំពត០៤គ្រឿង ប្រើទឹកអស់​ចំនួន២៨​រថយន្ត។

ប្រភពខាងលើបានឲ្យដឹងបន្ថែមទៀតថា សម្ភារខូចខាតនៅក្នុងរោងចក្ររួមមាន មាស៉ីនផលិតកេសស្នោរ ចំនួន០៣គ្រឿង កេសស្នោរផលិតហើយមួយចំនួនធំ, ដុំស្គុតមួយចំនួនធំ, ទូរទឹកកក ចំនួន០៣គ្រឿង, កុំព្យូទ័រ ចំនួន០៣គ្រឿង, ម៉ាស៉ីនត្រជាក់ ០៦គ្រឿង ខោអាវកម្មករ លិខិតឆ្លងដែនជនជាតិចិន០២រូប, លុយកាកមួយចំនួន និងឡរដុតអុសចំនួន០១។

សូមបញ្ជាក់ថា ក្នុងហេតុការណ៍គ្រោះថ្នាក់សង្គមនេះ មិនបណ្ដាលឲ្យមានមនុស្សណាម្នាក់រងគ្រោះថ្នាក់នោះឡើយ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង