កំពង់ឆ្នាំង៖នៅវេលាម៉ោង២និង៣០នាទីឈានចូល ថ្ងៃទី២៤ខែមករា ឆ្នាំ២០២១ មានគ្រោះអគីភ័យមួយបានឆេះផ្ទះអស់ចំនួន២ខ្នង នៅភូមិត្រែង ឃុំឈានឡើង ស្រុកសាមគ្គីមានជ័យ ខេត្តកំពង់ឆ្នាំង ។
របាយការណ៍របស់មន្ត្រីអាជ្ញាធរមូលដ្ឋានបានឲ្យដឹងថា ម្ចាស់ផ្ទះទី១ ឈ្មោះឆេង ខែម ភេទស្រីអាយុ៨០ឆ្នាំ មានទំហំ៤គុណ៥ម៉ែត្រធ្វើអំពីឈើប្រកស័ង្កសី ជញ្ជាំងក្តា ឆេះស្រូវ២៥០០គីឡូក្រាម ,ម៉ូតូ២គ្រឿងមាស៧ជី,លុយខ្មែរ១២លាន និងសម្ភារៈប្រើប្រាស់ត្រូវភ្លើងឆេះបំផ្លាញទាំងស្រុង ។ម្ចាស់ផ្ទះទី២ ឈ្មោះសែម ខេនភេទស្រីអាយុ៥៨ឆ្នាំ មានទំហំ៦គុណ៧ម៉ែត្រ ធ្វើអំពីឈើប្រកក្បឿង ជញ្ជាំងក្តា ឆេះសំលៀកបំពាក់និង សម្ភារ:មួយចំនួនទៀត ។
របាយការណ៍បានបញ្ជាក់ថា នៅក្នុងហេតុការគ្រោះអគ្គិភ័យនេះ បណ្តាលឲ្យភ្លើងឆេះរលាកដៃលោកយាយឆេង ខែមទាំងសងខាង ត្រូវបានលោកមេឃុំឈានឡើងដឹកយកមកព្យាបាលនៅមន្ទីរពេទ្យផងដែរ ៕
