បុរសម្នាក់ បានដុតផ្ទះឆេះខ្ទេច ដោយសារខឹងប្រពន្ធ រត់ចោល ដែលហេតុការណ៍នេះ បានកើតឡើងកាលពីម៉ោង៩ព្រឹក ថ្ងៃទី២២ខែមករា ឆ្នាំ ២០២១ ។
សមត្ថកិច្ចមូលដ្ឋាន បានឱ្យដឹងថា បុរសដែលដុតផ្ទះខ្លួនឯងឆេះខ្ទេចនេះ ឈ្មោះ ហេង ពៅ អាយុ៣៣ឆ្នាំ រស់នៅភូមិផ្ចឹកជ្រុំ ឃុំពេជ្រមុនី ស្រុកគងពិសី ខេត្តកំពង់ស្ពឺ ។
សមត្ថកិច្ចបានបញ្ជាក់ថា មូលហេតុដែលនាំអោយបុរសនេះ ដុតផ្ទះចោល គឺដោយសារខឹងប្រពន្ធរត់ចោល ហើយជនសង្ស័យ ជាមនុស្សញៀនថ្នាំ ថែមទៀតផង។
បច្ចុប្បន្នជនសង្ស័យ ខាងលើត្រូវសមត្ថកិច្ចឃាត់ខ្លួន នៅអធិការដ្ឋាននគរបាល ស្រុកគងពិសី ដើម្បីចាត់ការបន្ត តាមនីតិវិធី៕
