បវរកញ្ញា MissPlanet International 2019 មកដល់កម្ពុជា ត្រៀមរៀបចំព្រឹត្តិការណ៍ធំមួយ!

បវរ​កញ្ញា​ឯក​ Miss Planet International 2019 ​កញ្ញា Monique best ​មកពី​ប្រទេស​អាហ្វ្រិក​ខាងត្បូង​ បាន​មក​ដល់​កម្ពុជា​ កាល​ពី​យប់​ថ្ងៃទី​៨ ​មក​រា​ ឆ្នាំ​២០​២០​ ។ បវរ​កញ្ញា​សម្រស់​ដ៏ស្រស់​សោភា ព្រម​ទាំង​ស្នាមញញឹ​ម​គួរអោយ​ចូលចិត្ត រូបនេះ​ មាន​ទឹក​ចិត្តប៉ង​ប្រាថ្នា​ មក​ប្រទេស​កម្ពុជា​យូរ​មក​ហើយ ​ដោយ​ពេលនេះបាន​សម្រេច​​បំណង​ បន្ទាប់​​ពីមាន​ផែន​ការ​ជាច្រើន​ ដែល​អ្នក​រៀបចំ​គ្រោង​ទុក។


ខណៈ​ពេលមក​ដល់​កម្ពុជារបស់​​បវរកញ្ញា​រូបនេះ ​ គេឃើញ​មាន​វត្តមាន អ្នកស្រី ​ស​ កេស​រ៉ា និង​ស្វាមី​ លោក​ហ៊ុន​ សុផា​ ជំនួយ​ការ​អម​ទីស្ដីការ​គ​ណៈ​​រ​ដ្ឋមន្ត្រី​និ​ងជា​ប្រធាន​ទីផ្សារ​សម្រាប់​ផ្នែកបវរកញ្ញា ​វេជ្ជ ទីវ វីរៈ Le Premier Healthcare ។

កញ្ញា Monique best ​បាន​អោយ​ដឹង​ថា កញ្ញា​មក​ដល់​ប្រទេស​កម្ពុជា​គឺជា ​អារម្មណ៏​មួយចង់​មក​ចូលរួម​យូរមក​ហើយ ទើប​តែមាន​ពេល​វេលា​សម​ស្រប​។ ​កញ្ញាមក​កាន់​ប្រទេស​កម្ពុជារយៈពេល​​១​ខែ ​​ដើម្បីបំពេញបេសកម្មជាច្រើន ដូចជា​​ផ្សព្វផ្សាយ​បរិស្ថាន​ ទេសចរណ៏​ និង ការ​ចូល​រួម​បង្ហាញ​វត្តមាន​ និងបទ​ពិសោធន៏​ ស្តីពី​ការប្រកួត​Miss Planet International 2020 ដែល​ធ្វើ​ឡើង​នៅ​ខែមេសា​ ឆ្នាំ២០​២០​ខាង​មុខ​នេះ​។

កញ្ញា បន្ត​ថា​ ក្រោយ​ជាប់​ជា​បវរ​កញ្ញា​មក គឺ​បាន​ចូល​រួម​កម្មវិធី​ជា​ច្រើន​ដូចជា​ផ្សាយ​ពីកិច្ច​ការពារ​បរិស្ថាន ចូលរួម​លើក​ទឹក​ចិត្តកុមារ​កំព្រា​ ជា​ដើម​។ ​លើសពីនេះ កញ្ញា​​នឹង​​ចូលរួម​កម្មវិធី​ ស​ន្និសីទ​សារព័ត៌មាន​ធ្វើនៅ​កម្ពុជា ស្តីពី​ការប្រឡង​ជាលក្ខណៈ​អន្តរជាតិ ​ដែល​មាន​៧៥​ប្រទេស ​ហើយ​កម្ពុជា​​ជា​អ្នក​រៀប​ចំ​ មាន​រូបកញ្ញា​ក៏ចូលរួម​បំផុស​ផង​ដែរ​។

កញ្ញា​ ក៏​បាន​ប​ង្ហាញអារម្មណ៏ថា បើ​មាន​​ពេល​​វេលា​​ល្អ លើក​នេះ​នឹង​​ទៅកម្សាន្ត​នាខេត្តសៀមរាប​ ពិសេស​តំបន់​ប្រាសាទ​អង្គរវត្ត ព្រោះ​កញ្ញា​ស្រឡាញ់​ទីនោះ​ខ្លាំងណាស់៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង