អ្នក​​ប៉ះ​ពាល់​​ផ្ទាល់​​​និង​​ប្រយោល​ក្នុង​ព្រឹត្តិការណ៍​​​សហ​គមន៍​​២៨វិច្ឆិកា​​នៅ​ខេត្ត​កំ​ពង់​​ឆ្នាំង​ចំនួន​​​៤៧នាក់​ ​លទ្ធផល​​តេស្ត​​​លើក​​ទី​​១ ​អវិជ្ជ​មា​ន​​វីរុស​​កូវីដ​១៩ ​

កំពង់ឆ្នាំង ប្រធានមន្ទីរសុខាភិបាលខេត្តកំពង់ឆ្នាំង លោកវេជ្ជបណ្ឌិត ប្រាក់ វ៉ុន បានប្រាប់ឲ្យដឹងនៅព្រឹកថ្ងៃទី១១ ខែធ្នូ ឆ្នាំ២០២០​នេះថា  លទ្ធផលសំណាកដែលចេញដោយវិទ្យាស្ថានប៉ាស្ទ័រកម្ពុជា  អ្នកប៉ះពាល់​ផ្ទាល់និ​ង​ប្រយោលនៃព្រឹត្តិការណ៍​សហគមន៍​២៨វិច្ឆិកា នៅខេត្តកំពង់ឆ្នាំងចំនួន៤៧នាក់ ដែលបានធ្វើសំណាកលើកទី១ បង្ហាញថា អវិជ្ជមាននៃវីរុសកូវីដ១៩

លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំងបានឲ្យដឹងទៀតថា នៅក្នុងព្រឹត្តិការណ៍២៨វិច្ឆិកានេះ នៅខេត្ត​កំពង់​ឆ្នាំង មានអ្នកប៉ះពាល់ផ្ទាល់និងប្រយោល ចំនួន៦៨នាក់ ក្នុងចំណោមទាំង៦៨នាក់នេះ បានយកសំណាកចំនួន៤៧នាក់ ទៅ​ធ្វើតេស្ត រកវីរុសកូវីដ១៩ ប៉ុន្តែក្នុងចំណោមអ្នកធ្វើសំណាកទាំង៤៧នាក់នេះ គឺអវិជ្ជមានទាំងអស់ បច្ចុប្បន្នពួក​គាត់​បន្ត​ធ្វើ​ចត្តា​ឡីស័កនឹងត្រៀមយកសំណាកទៅធ្វើតេស្តលើកទី២ម្តងទៀត 

ប្រធានមន្ទីរសុខាភិបាលបានធ្វើការអំពាវនាវ ដល់ប្រជាពលរដ្ឋនៅខេត្តកំពង់ឆ្នាំង ទាំងអស់កុំជឿនូវរាល់ព័ត៌មាន​ដែល​ប្រឌិត​ខុសការពិត ហើយបន្តយកចិត្តទុកដាក់អនុវត្តឲ្យបានម៉ឺងម៉ាត់នូវវិធានការនានាក្រសួងសុខាភិបាល ដើម្បីបង្កើនការទប់ស្កាត​ការីក​រាលដាលនៃជំងឺកូវីដ១៩

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង