បទ​ចម្រៀង​​របស់ តន់​ ចន្ទ​សីមា​ ក្នុង​​​យូធូប​​មាន​​អ្នក​ចូល​ទស្សនា​​ជាង​៣០០​​​លាន​​ដង ​គិត​​​ត្រឹម​​​​​៩​​ខែ ​ឆ្នាំ​​នេះ​

ចម្រៀង Original របស់ តន់ ច័ន្ទសីម៉ា ដែលបានបញ្ចេញក្នុង​ផលិតកម្ម Galaxy Navatra ក្នុងមួយ​បទៗសុទ្ធសឹងតែទទួលបាន​ការគាំទ្រពី​មហា​ជន​យ៉ាងភ្លូក​ទឹកភ្លូកដី។ ជាក់ស្តែង​គិតត្រឹម​៩ខែ ឆ្នាំ​២០​២០នេះមានអ្នកចូលទស្សនាបទចម្រៀងរបស់​​នាង​​សរុបរហូត​ដល់ទៅ ៣២៣.៧ លានដង​ក្នុងយូធូប។

យោងតាមហ្វេសប៊ុកផេកផ្លូវការរបស់ផលិតកម្ម Galaxy Navatra បានឲ្យដឹងថា នេះជាប្រវត្តិសាស្ត្រថ្មី​មួយ​នៅក្នុងវិស័យសិល្បៈចម្រៀង ដែលតារា​វ័យ​ក្មេង​ម្នាក់ អាចទទួលបានការគាំទ្រលើសលប់​នៅក្នុង​ប្រទេសកម្ពុជា។ អ្វីដែលពិសេស បទចម្រៀងទាំងអស់របស់ តន់ច័ន្ទស៊ីម៉ា គឺសុទ្ធសឹងតែជាប្រភេទ Original ទាំងអស់។

គួរជម្រាបថា តារាចម្រៀងស្រីកញ្ញា តន់ ច័ន្ទសីម៉ា មួយរយៈចុងក្រោយនេះ ត្រូវបានមហាជន​សង្កេត​ឃើញថា ទទួលបានប្រជាប្រិយភាព និងការ​គាំទ្រ​កាន់តែខ្លាំង ពីសំណាក់ទស្សនិកជន ជាពិសេស​រាល់គ្រប់បទចម្រៀងរបស់នាងដែលចេញមក ក្រោមផលតិផល Galaxy Navatra គឺសុទ្ធតែពេញ​និយម​ខ្លាំងពីមហាជន។ ទោះជាតារាចម្រៀងវ័យក្មេងទើបចូលប្រឡូកក្នុងពិភពចម្រៀងពិតមែន ប៉ុន្តែសន្ទុះនៃការបង្កើនប្រិយភាពរបស់ តន់ ច័ន្ទសីម៉ា គឺមិនធម្មតាឡើយ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង