វ៉ាំង​ ដា​វីន កូន​អ្នក​ស្រុក​បរិ​បូណ៍ ត្រូវ​បាន​ក្លឹប​​បាល់​ទាត់​​បឹង​កេត​ ជ្រើស​រើស​ឲ្យ​​ចូល​រួម​ក្នុង​ក្រុម​បាល់​ទាត់​យុវជន​អាយុ​ក្រោម​១៨​ឆ្នាំ​

អតីត​កីឡាករ​របស់​ក្លឹបបាល់​ទាត់​ពន្លៃថោន​ដែល​មានមូល​ដ្ឋាន​ក្នុង​ស្រុក​បរិបូណ៍​ កីឡាករ​ វ៉ាំង ដាវីន ត្រូវ​បាន​​ក្លិប​បាល់ទាត់​បឹង​កេត​ សម្រេច​​ជ្រើស​​រើស​​ឲ្យ​​ចូលរួម​ក្នុងក្រុមបាល់​ទាត់​យុវជន​អាយុក្រោម១៨ឆ្នាំ​ (U18)  ក្រោយ​ធ្វើ​តេស្តសម​ត្ថភា​ព​រយៈ​ពេល​បី​ថ្ងៃ​។​ នេះ​បើតាម​ប្រភព​ព័ត៌មាន​ពី​ក្លឹប​បាល់​ទាត់​ពន្លៃថោន​ នៅ​ថ្ងៃទី០៥ ​ខែ​កក្កដា ឆ្នាំ២០​២០នេះ​។

នៅលើ​ទីលាន កីឡាករ វ៉ាំង ដាវីន លេង​ក្នុងតំណែង​បម្រើប្រយុទ្ធ ដែល​មានសមត្ថភាព​ប្រើ​ជើង​ឆ្វេង និងជើង​ស្តាំ​យ៉ាង​ស្ទាត់​ជំ​នា​ញ​​។ ​ ដាវីន មាន​ស្រុកកំណើត​នៅ​ក្នុងភូមិ​ពន្លៃ​ ​ឃុំពន្លៃ ស្រុក​បរិបូណ៍ ខេត្តកំពង់​ឆ្នាំង ​។

គួរបញ្ជាក់​ថា កីឡាករ វ៉ាំង ដាវីន ជាអតីត​​សមាជិក​ក្រុម​​បាល់​ទាត់​​ពន្លៃថោន​ ​ដែល​ជា​ក្រុម​ខ្លាំង​​​មួយមាន​​​ឈ្មោះ​បោះ​​សំ​លេង​​ក្នុង​ខេត្ត ហើយ​កាលពី​ពេលថ្មីៗ​នេះ កីឡាករ​ វ៉ាំង ដាវីន ក៏​បាន​ជួយ​​អោយ​​ស្រុក​បរិបូណ៍ ឈ្នះ​ជើង​ឯក​​សិស្ស​​វិទ្យាល័យ​ទូទាំង​ខេត្ត​កំពង់​ឆ្នាំង​ផងដែរ៕

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង