ហ្វេនៗជាច្រើនបានសរសើរ ដល់កញ្ញាអេដា មិនត្រឹមតែនិយមច្រៀងបទស្នាដៃកូនខ្មែរ ប៉ុណ្ណោះទេសូម្បីតែជីវិតស្នេហា ក៏ទទួលបានភាព ជោគ ជ័យច្រើន។ យ៉ាងណាមិញ អេដា ទើបតែរំលេចហាងមួយក្រោមការចំណាយទុនច្រើន និងរំពឹងថាកាន់តែជោគជ័យជាបន្តទៀត។ កាលពីថ្ងៃទី ២៨ ធ្នូ ឆ្នាំ២០១៩ តារាចម្រៀង Original Song កញ្ញា អេដា និង គូដណ្ដឹងជនជាតិអាមេរិកកាត់ខ្មែរ បានបើកសម្ពោធហាង Fast Food ឬ នំ Tacos ដ៏ល្បីនៅរដ្ឋកាលីហ្វកញ៉ា និង មិចស៊ិចកូ ដោយអះអាងថាប្រើទុនអស់ជិត៨ម៉ឺនដុល្លារ។ ជាមួយនឹងការប្រកាសនេះ កញ្ញា ប្រាប់ថា ត្រូវចាំដៃគូ ស្នេហ៍ប្រឹងរកលុយសិន ទើបអាចកំណត់ថាត្រូវការពេលណា ឬ ឆ្នាំណាបាន ខណៈដែលនាងប្រាប់ថា ក៏ដាក់គោលដៅនៅចុងឆ្នាំ២០២០។
កញ្ញា អេដា និយាយថា គូដណ្ដឹងរបស់នាង និង នាង តស៊ូបើកហាងអាហារប្រភេទ Fast Food ឈ្មោះ Tacos ដែលជាប្រភេទអាហារពេញនិយម នៅអាមេរិក និង មិចស៊ិចកូ ប្រមាណជាង១ឆ្នាំមកហើយ ដោយតស៊ូបើកតាំងពីជាកូនតូបតូច រហូតដល់បើកជាហាង ដែលមានកន្លែងអង្គុយ ទទួលទាន។ មកទល់ពេលនេះ ហាងរបស់នាងមាន២សាខាហើយ ដោយសាខាទី១នៅក្រោយទីស្នាក់ការកណ្ដាលធនាគារ ABA បឹងកេងកង និងសាខាទី២នៅផ្លូវ៥៩០ ក្រោយគេហដ្ឋានសម្ដេចសេនាទៀបាញ់ ដែលទើបប្រកាសបើកសម្ពោធកាលពីល្ងាចថ្ងៃទី២៨ ធ្នូ ២០១៩ នោះ។ អាជីវកម្មនេះ នាង និង គូដណ្ដឹង ប្រើអស់ប្រមាណ៨ម៉ឺនដុល្លារ ទើបនាងបញ្ជាក់ថាមិនទាន់សម្រេចចិត្តរៀបការ ដោយសារតែចំណូលដែលប្រឹង រកបាន ចាយលើអាជីវកម្មនេះ ដែលតម្រូវអោយនាង និងគូស្នេហ៍ត្រូវប្រឹងរកជាថ្មី។
អេដា បន្តថា នេះជាប្រភេទអាហារវ៉ិចខ្ចប់ស្រដៀងនឹងភីហ្សា និង បឺហ្គរដែរ ហើយដោយសារតែគូដណ្ដឹងនាងជាមេចុងភៅផ្ទាល់ ទើបផលិត អោយ ចេញជារសជាតិបែបអាស៊ី ដោយមានទាំងស្នូលបន្លែ និង សាច់ច្រើនប្រភេទ ដើម្បីអោយមានរសជាតិច្រើន។ នាងគ្រោងពង្រីកទីតាំង និង លក់ម៉ាកយីហោ អោយមានច្រើនសាខា បន្ទាប់ពីបើកដំណើរការជាង១ឆ្នាំ ហើយទទួលជោគជ័យ។ នាងក៏ប្រកាសថានឹងដឹកដៃ គូដណ្ដឹង យ៉ាងហោចចុងឆ្នាំ២០២០ គឺរហូតដល់នាង និង គូដណ្ដឹងសន្សំលុយបានគ្រប់គ្រាន់ ក្រោយពីយកដើមទុនទៅបើកអាជីវកម្មមួយនេះ ឡើងអស់ ពីខ្លួននោះផងដែរ៕
