លោកអ្នកប្រហែលជាធ្លាប់ឃើញ និងសរសើរពីភាពស្រស់ស្អាតរបស់ Miss Universe Cambodia សំណាង អេលីណា ដែលគ្រប់គ្នានិយាយថាស្អាតស្ទើរគ្រប់ជ្រុង ជាពិសេសតារាស្រីនិងតារាបង្ហាញម៉ូដជាច្រើននាក់ផ្សេងទៀត។ ភាពស្រស់ស្អាតទាំងនេះជាការរំលេចចេញពីជាងផាត់មុខវ័យក្មេងម្នាក់ គឺលោក ម៉ែន សុផានិត ដែលមានជំនាញផាត់មុខ តុបតែលម្អ យ៉ាងស្ទាត់ជំនាញជាមួយបទពិសោធន៍យូរឆ្នាំមកហើយ។
មានស្រុកកំណើតនៅខណ្ឌព្រែកព្នៅ រាជធានីភ្នំពេញ ដោយមាននិស្ស័យខាងជំនាញ ផាត់មុខ ធ្វើម៉ូដសក់តាំងពីនៅវ័យ កុមារភាព លោក ម៉ែន សុផានិត បានសម្រេចបំណងប្រាថ្នា ហើយកំពុងតែទទួលបាននូវភាពប្រសើរក្រោមការសរសើរពីអ្នកគាំទ្រ។
លោក សុផានិត ថ្លែងថា លោកធ្លាប់ឆ្លងកាត់ជំនាញរៀនផាត់មុខនេះជាច្រើនឆ្នាំ ដោយខិតខំដកបទពិសោធន៏ ពីគេយកមកនឹកច្នៃតាមគំនិតផ្ទាល់ខ្លួន។ លោកធ្លាប់ចូលរួមផាត់មុខ ដល់បណ្តាកម្មវិធីបវរកញ្ញាជាច្រើន និងផាត់មុខដល់តារាក៏ច្រើន។ពិសេសបវរកញ្ញាសំណាង អេលីណា ពោលផាត់មុខបាន៣ជំនាន់មកហើយ ផ្នែកបវរកញ្ញាលំដាប់ៗ និងកម្មវិធីធំៗផងដែរ។
លោក បន្តថា មុខរបរអាជីពនេះ មិនមានអ្នកណាដិះដៀលនោះទេ មានតែពាក្យសរសើរហើយអោយស៊ូបន្តទៀត។ បំណងរបស់លោក ចង់បង្កើតសាលាបណ្តុះបណ្តាលជំនាញផាត់មុខ អោយថ្កុំថ្កើនផ្ទេរ ដល់អ្នកជំនាន់ក្រោយ។ រីឯរាល់ថ្ងៃនេះលោកផាត់មុខធ្វើសក់ ចល័តមិនទាន់មានហាងផ្ទាល់ខ្លួន ដោយកំពុងស្វែងរកទីតាំង។ភាគច្រើនភ្ញៀវដែលត្រូវការទាក់ទងតាមហ្វេសបុកឬតាមលេខទូរស័ព្ទ ០៩៦ ៩២៩៣ ៩៣១ ។
រូបភាពតារាស្រី និងតារាបង្ហាញម៉ូដ ខាងក្រោមនេះ ជាស្នាដៃផាត់មុខដោយលោក ម៉ែន សុផានិត ៖
