កំពង់ឆ្នាំង៖រយះពេល៣ថ្ងៃ នៃពិធីបុណ្យចូលឆ្នាំថ្មី ប្រពៃណីជាតិ ឆ្នាំម្សាញ់ សប្តស័ក ព.ស២ ៥៦៩ ត្រូវនឹងថ្ងៃទី១៤ ១៥ ១៦ ខែមេសា ឆ្នាំ២០២៥ មានភ្ញៀវទេសចរណ៍ ចំនួន ១ ៤៣២៦៨៩នាក់ ក្នុងនោះភ្ញៀវបរទេស ចំនួន ៧៨៩នាក់ បានមកលេងកម្សាន្តនៅ ខេត្តកំពង់ឆ្នាំង។ នេះបើយោងតាមរបាយការណ៍ របស់មន្ទីរទេសចរណ៍ ដែលCNC ទទួលបាន នៅព្រឹកថ្ងៃទី១៧ ខែមេសា ឆ្នាំ២០២៥នេះ ។
ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានឲ្យដឹងថា សង្ក្រាន្តកំពង់ឆ្នាំង ឆ្នាំនេះ មានភ្ញៀវទេសចរណ៍ជាតិ និងអន្តរជាតិមកលេងនៅខេត្តកំពង់ឆ្នាំង ក្នុងរយះពេល៣ថ្ងៃ ចំនួន ១ ៤៣២ ៦៨៩នាក់ ចំនួននេះមានការកើនឡើងយ៉ាងច្រើន បើប្រៀបធៀបនឹងឆ្នាំមុន ។
ឯកឧត្តមបញ្ជាក់ថា ឆ្នាំនេះរដ្ឋបាលខេត្តបានរៀបចំប្លែកមានភាពទាក់ទាញ និងមានកម្មវីធីកំសាន្តសប្បាយជាច្រើន ។ ចំពោះបញ្ហាគ្រោះថ្នាក់ចរាចរណ៍ និងសន្តិសុខមានភាពល្អប្រសើរ មិនមានអ្វីកើតឡើតគួឲ្យកត់សម្គាល់ឡើយ ៕
