កំពង់ឆ្នាំង ៖ ថ្ងៃទី១៧ ខែកញ្ញា ដែលជាថ្ងៃបុណ្យភ្ជុំបិណ្ឌនេះគេសង្កេតឃើញបងប្អូនប្រជាពលរដ្ឋនៅតាមក្រុងស្រុកទូទាំងខេត្តកំពង់ឆ្នាំង បានសម្រុកចេញដំណើរទៅកាន់ទីវត្តអារាម ដោយមានជាក្រុមគ្រួសារ មត្តិភក្តិបងប្អូនក្រោមបរិយាកាសសប្បាយរីករាយ។
ដោយឡែកអាជ្ញាធរគ្រប់លំដាប់ថ្នាក់ ក៏បានបង្កើនកិច្ចការពារសុវត្ថិភាព សន្តិសុខ សណ្តាប់ធ្នាប់សាធារណៈរបៀបរៀបរយ និងសម្រួលចរាចរណ៍ឱ្យបានល្អប្រសើរ ដើម្បីបង្កលក្ខណៈងាយស្រួលជូនប្រជាពលរដ្ឋនិងទេសចរណ៍អោយបានចូលរួមក្នុងពិធីបុណ្យភ្ជុំបិណ្ឌនៅគ្រប់ទីកន្លែងផងដែរ ។
សូមបងប្អូនប្រជាពលរដ្ឋ បើកបរដោយមានការយោគយល់អាធ្យាស្រ័យខ្ពស់ និងគោរពច្បាប់ ដើម្បីសុខសុវត្ថិភាពទាំងអស់គ្នា ជាពិសេសនៅក្នុងរដូវបុណ្យភ្ជុំបិណ្ឌនេះ។
សូមជូនពរបងប្អូនប្រជាពលរដ្ឋទាំងអស់ ធ្វើដំណើរប្រកបដោយសុខសុវត្ថិភាពទាំងអស់គ្នា និងជួបជុំក្រុមគ្រួសារប្រកបដោយក្តីរីករាយនៅក្នុងពិធីបុណ្យភ្ជុំបិណ្ឌ៕
