ជនរងគ្រោះម្នាក់ ដែលរងរបួសធ្ងន់ ដោយករណីគ្រោះថ្នាក់ចរាចរណ៍បង្កជាអគ្គិភ័យ រវាងរថយន្តយីឌុប បុកជាមួយម៉ូតូ១គ្រឿង ហើយត្រូវបានគេដឹកយកទៅសង្គ្រោះនៅ មន្ទីរពេទ្យនោះបានទទួលមរណភាពហើយ ។ នេះបើតាមការចេញផ្សាយរបស់គេហទំព័រអគ្គស្នងការដ្ឋាននគរបាលជាតិ កាលពីថ្ងៃទី៨ ខែឧសភា។
គួរបញ្ជាក់ថា កាលពីវេលាម៉ោង២៣និង៣០នាទីយប់ ថ្ងៃទី០៧ ខែឧសភា ឆ្នាំ២០២០ ស្ថិតនៅតាមផ្លូវវេងស្រេង សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មានករណី ករណីគ្រោះថ្នាក់ចរាចរណ៍អង្ករជាអគ្គិភ័យ រវាងរថយន្តយីឌុប បុកជាមួយម៉ូតូ១គ្រឿង បណ្តាលឲ្យមនុស្សម្នាក់រងរបួសធ្ងន់ និងឆេះខូចខាតសម្ភាររថយន្តមួយកំណាត់ខាងមុខ រួមជាមួយម៉ូតូ០១គ្រឿង និងពុំបណ្ដាលអោយឆេះរាលដាលដល់អ្នកក្បែរខាងឡើយ ។
ជនរងគ្រោះឈ្មោះ ឆេង ឆាន ភេទប្រុស អាយុ៦៤ឆ្នាំ រថយន្តយីឌុបពាក់ស្លាកលេខ (ភ្នំពេញ ៤A-៥៥៦៣) និងម៉ូតូ ០១គ្រឿង ។
ករណីអគ្គិភ័យនេះដែរ មានរថយន្តការិយាល័យអគ្គិភ័យ រាជធានីភ្នំពេញ ចំនួន ០២គ្រឿង ដោយប្រើប្រាស់ទឹកអស់ចំនួន ០២ឡានស្មើនឹង០៨ម៉ែត្រគូប, រថយន្តជំនួយរបស់កងរាជអាវុធហត្តចំនួន០២គ្រឿងប្រើប្រាសទឹកអស់០២ឡានស្មើនឹង ០៨ម៉ែត្រគូប និងបានពន្លត់ចប់នៅវេលាម៉ោង២៣និង៥០នាទីយប់ថៃ្ងខែឆាំ្នដដែល៕
