តារាសម្តែងវ័យក្មេង សំអុល សុមនា ត្រូវបានផលិតករសម្លឹងកក់ទុកអោយចូលរួមសម្តែងរឿងបែបបុរាណចំនួន៣រឿងកាលពីពេលថ្មីៗនេះ។ ជាតារាសម្តែងវ័យក្មេងដែលមានសមត្ថភាពអាចទាក់ទាញចិត្តផលិតករជាច្រើន សុមនា កាន់តែបង្ហាញពីភាពជោគជ័យលើវិថីសិល្បៈ ជាបន្ត បន្ទាប់ទាំងខ្លួននៅវ័យក្មេងក៏ដោយ ។
តារាសម្តែងវ័យក្មេង សុមនា បានលើកឡើងថា សម្រាប់ឳកាសនេះ ខ្លួននឹងខំហាត់រៀនសម្តែងអោយល្អ ដើម្បីប្រយុទ្ធជាមួយការងារថត៣រឿងបុរាណខាងមុខ អោយប្រសើរឡើង។
សុមនា បន្ថែមថា ព្រោះតែស្រឡាញ់សិល្បៈទើបចេះតែតស៊ូ បើទោះជាការងារខ្លះលើសកម្លាំងតែត្រូវប្រឹង។ ម្យ៉ាងទៀត ស្តាយឱកាស ដែលបានផ្តល់អោយត្រូវចាប់អោយបាន កុំរំលង ពេលវេលាជាមាសប្រាក់។
ក្រៅពីជាតារាសម្តែង សុមនា ក៏ឆ្លៀតពេលទំនេរហាត់រៀនជំនាញច្រៀង ព្រោះស្រឡាញ់ហើយអោយបាន ចេះច្រើនផ្នែកក៏ល្អសម្រាប់សិល្បៈ។យ៉ាងណាមិនតារាស្រីស្រអែមខ្មៅស្រស់រូប នេះនៅតែធ្វើអោយផលិតករជាប់ចិត្ត ហើយត្រៀមផ្តល់ការងារសម្តែង បន្តទៀតនាពេលខាងមុខ ក្រោយបរិយាកាសកូវីដស្ងប់ស្ងាត់មកវិញ។
គួរបញ្ជាក់ថា អ្វីដែលរិតតែពិសេស នាងតូចរូបនេះ ត្រូវបាន លោកឧកញ៉ា គាង សេង និងលោកជំទាវទុយ សុីមន ចូលចិត្តដែលខ្លួនក្មេង តែចេះតស៊ូរៀនផង ធ្វើការផង បំពេញភារៈជាក្មេងល្អនៅក្នុងសង្គម ជាគម្រូមួយដ៏ល្អ។
