រដ្ឋបាល​ខេត្តកំពង់​ឆ្នាំង បើក​សន្និបាត​បូក​សរុប​លទ្ធផល​ការងារ​ប្រចាំ​ឆ្នាំ​និង​លើក​ទិស​ដៅ​អនុវត្តបន្ត​សម្រាប់​ ឆ្នាំ២០២០

កំពង់ឆ្នាំង៖ នាព្រឹកថ្ងៃទី២៦ ខែកុម្ភ:នេះ រដ្ឋបាលខេត្តកំពង់ឆ្នាំង​ បានបើក​សន្និបាត​បូក​សរុប​លទ្ធផល​ការងារ​ប្រចាំ​ឆ្នាំ​២០១៩ និង លើកទិសដៅ​ការងារ​ឆ្នាំ២០២០ របស់រដ្ឋបាលខេត្តនិងក្រុមការងាររាជរដ្ឋាភិបាលចុះមូលដ្ឋាន ។អង្គ​សន្និបាត​នេះ​ប្រព្រឹត្ត​ទៅ​ក្រោមអធិបតីភាព ឯកឧត្តម ឡុង ឈុនឡៃ ប្រធានក្រុមប្រឹក្សាខេត្ត និង ឯកឧត្តម ឈួរ ច័ន្ទឌឿន អភិបាល​ខេត្តកំពង់ឆ្នាំង ព្រមទាំងមានការចូលរួមពីឯកឧត្តម លោកជំទាវ ជាសមាជិក សមាជិការក្រុមប្រឹក្សាខេត្ត គណ:អភិបាលខេត្ត ក្រុង ស្រុក លោក លោកស្រីជាប្រធាន អនុប្រធានមន្ទីរ អង្គភាពជុំវិញខេត្ត និង មន្ត្រីអាជ្ញាធរមូលដ្ឋានគ្រប់លំដាប់ថ្នាក់ផងដែរ ។

ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានកោតសរសើរនិងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការមន្ទីរ អង្គ​ភាព​ជុំវិញខេត្ត កងកម្លាំងប្រដាប់អាវុធ អង្គភាពឈរជើង អាជ្ញាធរក្រុង ស្រុក ឃុំ សង្កាត់ គណបក្សនយោបាយ អង្គការ​សង្គម​ស៊ីវិលជាតិនិងអន្តរជាតិ វិស័យឯកជន ប្រជាពលរដ្ឋនិងអ្នកពាក់ព័ន្ធទាំងអស់ ដែលបានខិតខំប្រឹងប្រែង​ប្តេជ្ញាចិត្តចូលរួម​យ៉ាង​សកម្ម ក្នុងការអនុវត្តតួនាទី ភារកិច្ចតាមការកំណត់នៃច្បាប់ លិខិតបទដ្ឋានជាធរមាន ព្រមទាំងចូលរួម​ចំណែក​និងផ្តល់កិច្ច​សហ​ការ​គាំទ្រធ្វើឲរដ្ឋបាលខេត្តកំពង់ឆ្នាំង ទទួលបាននូវសមិទ្ធផលធំៗ ថ្មីៗបន្ថែមទៀតលើគ្រប់វិស័យទាំងការងារកំណែ​ទម្រង់​​រដ្ឋបាលថ្នាក់ក្រោមជាតិ ដោយបានអនុវត្តមុខងារដែលបានផ្ទេរពីថ្នាក់ជាតិមករដ្ឋបាលថ្នាក់ក្រោមជាតិ ដែលជា​ការបង្ខិត​សេវា​សាធារណ:មកគៀកនឹងប្រជាពលរដ្ឋ ស្របតាមច្បាប់ស្តីពីគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ ការងារ​សន្តិសុខ​​សណ្តាប់ធ្នាប់សាធារណ: ការងារអភិវឌ្ឍន៍សេដ្ឋកិច្ច លើលកម្ពស់ជីវភាពរស់នៅ ការងារសង្គមកិច្ច និង កាត់បន្ថយ​ភាព​ក្រីក្រ ។

អង្គសន្និបាតបានបន្តធ្វើការពិភាក្សាឆ្លុះបញ្ចាំងនូវវឌ្ឍនភាពការងារលើគ្រប់វិស័យរបស់រដ្ឋបាលខេត្តបញ្ហាប្រឈមបទពិសោធន៍​ល្អៗ និង ដំណោះស្រាយ ដែលបានអនុវត្តរយះពេល១ឆ្នាំកន្លងទៅនេះដើម្បីដកបទពិសោធន៍សម្រាប់អនុវត្តបន្តឲបានល្អ​ប្រសើរ​នាឆ្នាំខាងមុខ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង