ភាពយន្តខ្មែរខ្នាតធំមួយរឿងទៀតហើយ ដែលរំពឹងទទួលបានការគាំទ្រពីទស្សនិកជន ។ វណ្ណកម្មថ្មីនេះមានការចូលរួមសម្តែង២ប្រទេសរវាង តារាភាពយន្តខ្មែរនិងតារាជប៉ុន មកសហការសាងស្នាដៃរឿង«អ្នកស្នងអគារ»។ ទាំងផលិតករនិងតារាចូលរួមក្រុងពលីកាលពីព្រឹកថ្ងៃទី១៦ កុម្ភៈ ឆ្នាំ២០២០ ម្នាក់ៗដាក់ក្តីរំពឹងខ្ពស់ទាក់ទាញទស្សនិកជន ក្រោយស្នាដៃកសាងនិងផលិតរួចរាល់។
រឿង«អ្នកស្នងអគារ» មានអ្នកដឹកនាំរឿង២សហផលិតរឿងនេះ មានលោក នេត ឥន្ទនរាសុទ្ឋីដេ្ឋព ជាសហនិពន្ឋដឹកនាំ ជាមួយអ្នកនាង ជា សុខយូ។ សហការផលិតដោយ ផលិតកម្មកងចក្រភីកឈ័រ និងក្រុមហ៊ុនវេស្ទិចមីឌាលីមីតធីត។ តារាសម្តែង មានលោក យូសុីហុីកូ ហូ សូដា អ្នកនាងថន ថាណែត ស្វែង សុជាតា លោករស់ មុនី្ន និងកុមារីម៉ានីកា។
លោក នេត ឥន្ទនរាសុទ្ធីដេ្ឋព ជាសហនិពន្ឋដឹកនាំ បានអះអាងថា រឿងនេះជាការសម្រិតសម្រាំងយកភាពជាគុណភាព អោយបានល្អ ។ ម្ល៉ោះហើយទើបយើងមិនទាន់ចង់ពន្លឿនការងារលឿនពេកនោះទេ ចង់ទុកពេលអោយយូរ ដើម្បីរចនាស្នាដៃមួយនេះ បានប្រសើរឡើង។ កន្លងមកលោកធ្លាប់តែផលិតរឿងខ្នាតខ្លី ចម្រៀងឬរឿងបែបអប់រំ តែនេះជាការចូលខ្លួនលើកទី១ដោយសន្យាថាខំ ប្រឹងបញ្ចេញការងារអោយបានល្អជាមួយខាងជប៉ុន។
អ្នកនាង ជា សុខយូ ជាសហនិពន្ធ និងជាសហដឹកនាំរឿង បានបញ្ជាក់ដែរថា ពួកយើងជាក្រុមការងារ មានការជឿទុកចិត្តគ្នាព្រោះម្នាក់ៗ មានវិជ្ជាជីវៈល្អ លើស្នាដៃរៀងៗខ្លួន។
អ្នកស្រី ជា សុខ យូ សហនិពន្ធ និង សហដឹកនាំរឿង។ អ្នកនាងថាក្រោមការសហការផលិតដោយ ផលិតកម្មកងចក្រភីកឈ័រ និងក្រុមហ៊ុនវេស្ទេចមីឌាលីមីតធីត យើង ជឿជាក់ថាធ្វើទៅអាចទាក់ទាញអ្នកមើលបាន។ ជាពិសេសយើងបានរួមសាងស្នាដៃជាមួយជប៉ុនរិតតែពិសេសថែមទៀត។ អ្នកនាង ថា ណែត តារាឯករឿងនេះបានអោយដឹងថា ការសម្តែងរឿងនេះតម្រូវអោយនាងនិយាយជាភាសាជប៉ុន ព្រោះតួឯកប្រុសជាជនជាតិជប៉ុន ។ ដូចនេះនាងត្រូវខិតខំនិយាយអោយដូច ដែលជាការព្យាយាមធ្វើអោយល្អបំផុតមួយ។
