ឆ័យលី ដាឡែន និងប្អូនស្រី រួម​គ្នា​បក​ស្រាយ​តប​នឹង​ការ​រិះ​គន់​រឿង​ហាង​អយ​ស្ទ័រ ​បំពុលបរិស្ថាន

នៅមុននេះប៉ុន្មានថ្ងៃ ហាងអយស្ទ័រមួយកន្លែងស្ថិតនៅខាងលិចរោងកុនលុច្ស ត្រូវបានគេបង្ហោះព័ត៌មានថា ធ្វើ​អោយ​ប៉ះពាល់​ក្លិន​មិនល្អ​ដូចជា​ចោល​សម្រាម អត់អនាម័យ ហើយត្រូវបានរំខានដល់អ្នកដំណើរទៅមក។ អ្វីដែលភ្ញាក់ផ្អើល ទីតាំងនោះជាសាចញាតិខាងតារាចម្រៀង ឆ័យលី ដាឡែន ទើបបង្កអោយតារារូបនេះនឹងប្អូនស្រី រួមគ្នាបកស្រាយ អោយមហាជនបានដឹងមូលហេតុ ដើម្បីរំសាយការយល់ច្រឡំ ដែល​ទំនង​កើត​ចេញ​ពីការកាច់កុងមុខជំនួញច្រើនជាង។


ទាំងប្អូនអូនស្រីឆ័យលី ដាឡែន និងនាងផ្ទាល់ព្រមទាំងសាច់ញាតិមួយចំនួនទៀតនាំគ្នា ស្រឡាំងកាំងពេលឃើញបណ្តាញព័ត៌មាន មួយ​ចំនួន​បង្ហោះ​រឿងទាក់ទងទីតាំងហាង«អយស្ទ័រ» បំពុលបរិស្ថាន រំខានដល់ការធ្វើដំណើរ។ ករណីខាងលើនេះហើយ ទើបបង្កអោយ ដាឡែន និងប្អូន​ស្រីជា​ថៅកែ សម្រេចចិត្តបង្ហាញការបកស្រាយតបទៅវិញ ដើម្បីជៀសវាងយល់ឃើញតែម្ខាង មិនបានសួរនាំភាគីម្ខាងទៀត។


ឆ័យលី ដាឡែន និយាយមួយៗថា ទីតាំងហាងប្អូនស្រីរបស់នាង នេះបើករកសុីច្រើនឆ្នាំមកហើយដោយទទួលបានការរីកចម្រើន ពី​មួយ​ឆ្នាំ​ទៅ​មួយ​ឆ្នាំ ក្លាយជាហាងធំដុំលក់គ្រឿងសមុទ្រ។ បើសិនជានិយាយពីរឿងអនាម័យវិញ គឺកាន់តែប្រយ័ត្នបំផុត រាល់យប់គឺអោយបុគ្គលិក បោស​សំអាត​វិចខ្ចប់ កម្ទេចការសំណល់គ្រឿងសមុទ្រផ្សេងៗ បិទបាំងត្រឹមត្រូវមានរបៀប។ នាងថាមានរូបថតវិចខ្ចប់ទុក ហើយ​ហាង​នេះ​ទំរាំរើ​បោស​សំអាត លាង​ដោយសាប៊ូដល់ម៉ោងក្បែរៗភ្លឺ ជួនកាលជួបឡានសម្រាមមកប្រមូលក៏មាន។ យើងទុកមួយដុំអោយឡានប្រមូល ហើយ​ឆ្លៀត​ពេល​នោះ​ឡាន​សម្រាមប្រមូលមិនអស់ឃើញជ្រុះ សម្រាមខ្លះពេញផ្លូវក៏ម៉ៃខាងហាងប្អូននាង។

នាង បន្តថាជាការឆ្លៀតឱកាសថតបង្ហោះ ដើម្បីមូលបង្កាច់ចេញពីការរកសុីច្រើនជាង ព្រោះអីគ្រឿងសមុទ្រមិនអាចចោលយូរបានទេ ថ្ងៃណា​ឡាន​សម្រាមមិនមក ជួលគេដឹងចោលទីតាំងសម្រាមដែលគេអនុញ្ញាត អោយចូល។ និយាយរួម​ហាងយើង​ប្រកាន់ភាព​ស្អាតជាគោល​សូម្បីតែ​បិទហាង​បុគ្គលិកអោយលាងហាងនឹងទឹកសាប៊ូទាំងធុងៗមិនស្តាយ។ ដូចនេះនាងរំពឹងថាមហាជនដែលបានចែកចាយស៊ែរព័ត៌មានមុននេះ អាចពិចារណាហើយ អាចអស់ចម្ងល់ខ្លះហើយ ស្តីពីបញ្ហាខាងលើ។

អ្នកនាងលី ទីភស្ត័ ជាម្ចាស់ហាងអយស្ទ័រហោស៏ ក៏បានបកស្រាយដែរថា ព័ត៌មាននដែលបានហាងយេីងខ្ញុំបេីកលក់រយៈពេល8ឆ្នាំហេីយ ដោយ​មាន​ការគាំទ្រពីអតិថិជនជាច្រេីន តាមការផុសរូបភាពមុននេះ គឺជារូបភាពមួយជ្រុងតូចដែលពួកគាត់មិនបានដឹងច្បាស់ពីមូលហេតុពិតប្រាកដ រូបភាពទាំងនោះគឺជារូបភាព ការប្រមូលសំរាមរបសឡានសុីនទ្រីដែលគាត់បានប្រមូលហេីយកំពប់កំទេចសំរាម និងទំលាក់​ធុងសំរាម​ចោល​ពេញ​ដី ម្យ៉ាងវិញទៀតថ្ងៃនោះគាត់មកយកម៉ោង9ព្រឹកដោយជាធម្មតាគឺតែងតែមកយកម៉ោង2យប់ជារៀងរាលថ្ងៃ ។

ចំពោះទឹកស្អុយដែលកំពប់នៅមុខហាងយេីងខ្ញុំគឺដោយសារឡានសំរាមគាត់បង្ហូរទឹកស្អុយចូលក្នុងលូ ព្រោះទីនោះមានលូចំនុចនេះហេីយ ដែល​ធ្វេី​អោយប្រជាជនយល់ច្រឡំ ។ ដោយឡែករូបភាពនោះផងដែរ គាត់បានថតតែមួយជ្រុងនៃការប្រមូលសំរាមរញ៉េរញ៉ៃ គាតមិនថតនៅពេល យេីង​​ចុះលាងសំអាត និងយកធុងទុកដាកត្រឹមត្រូវនោះទេ នាងខ្ញុំសូមសំណូមពរជូន​អ្នកសារព័តមានអំពីបញ្ហានេះ​ប្រសិនបេីមានករណី​ដូចខាង​លេី ។ សូមជួយថតពីដេីម និងការបញ្ចប់ផង កុំថតតែមួយជ្រុងនៃបញ្ហា ។ ប្រសិនបេីហាងយេីងខ្ញុំមានសភាពបែបនេះ នោះច្បាស់​ជាគ្មាន​ការ​គាំ​ទ្រ​​ពីសំណាកភ្ញៀវជាច្រេីននោះឡេីយ។

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង