ពិតជាមិននឹកស្មានទាល់តែសោះ កញ្ញា ណាណៃ ស្រាប់តែចេញបទថ្មីរបស់ខ្លួនមានចំណងជើងថា«ព្រៃវែងរឿងខ្ញុំ» របស់ផលិតកម្ម Zone ចំទិវានៃក្តីស្រឡាញ់១៤ កុម្ភៈ ឆ្នំាំ២០២០។ មួយបទនេះធ្វើអោយអ្នកទស្សនា ស្តាប់និងទស្សនាហើយស្លុងចិត្តខ្លាំង ព្រោះអត្ថន័យកូនស្រឡាញ់ម្តាយនិងម្តាយស្រឡាញ់កូន។
បទចម្រៀង«ព្រៃវែងរឿងខ្ញុំ» ទើបតែចេញនៅលើបណ្តាញសង្គម នាល្ងាចថ្ងៃទី១៤ កុម្ភៈ នេះប៉ុណ្ណោះ ដោយខាងផលិតកម្មខាងលើសម្រេចចិត្ត បង្ហោះផ្លូវការតែម្តង សម្រាប់ថ្ងៃនៃក្តីស្រឡាញ់។ សំឡេងរណ្តំរបស់ ស្រីស្អាតណាណៃ បានត្រូវគេសម្គាល់ថាពិរោះអន្លង់អន្លោចចំបរិយាកាសថ្ងៃពិសេសតែម្តង។ ឯការបញ្ចូលតួតាមសាច់រឿងចម្រៀងរបស់តួ សម្តែងក៏ឃើញថាមានសភាពសុីអារម្មណ៏តែម្តង សមតាមការចង់បាន។
ជាទូទៅយើងដឹងហើយថា បុណ្យទិវានៃក្តីស្រឡាញ់ មិនមែនសំដៅលើការបុណ្យគូសង្សារឡើយ។ ប៉ុន្តែជាបុណ្យការស្រឡាញ់ទូទៅលើ មិត្តភក្តិ លោកគ្រូអ្នកគ្រូ អាណាព្យាបាល និងមាតាបិតា ។ ដូចនេះហើយមិនមែនមានតែមួយថ្ងៃ នេះទេដែលស្រឡាញ់គ្នា ពោលយើងត្រូវដឹងរហូតទង្វើល្អៗតប ទៅនិងអ្នកជុំវិញខ្លួន។ ដើម្បីចង់ដឹងអត្ថន័យបទខាងលើបែបណាសូមទស្សនាអុឹមវីពីផលិតកម្មហ្សូនដូចតទៅ៖
