«ផាំងៗ» ជាបទថ្មីដំបូងបង្អស់នៅក្នុងទ្រនំថ្មីរបស់តារាចម្រៀង យូរី បានកំពុងផ្ទុះការគាំទ្រខ្លាំងពីបណ្តាអ្នកគាំទ្រដែលប្រើប្រាស់បណ្តាញសង្គមហ្វេសប៊ុក ពិសេសលើកម្មវិធី Tik Tok តែម្តង បើទោះបីជាចម្រៀងបែបញ៉ាក់កន្ត្រាក់អារម្មណ៍បែបនេះមិនមែនរស់ជាតិថ្មីសម្រាប់ទស្សនិកជនដែលជាអ្នកគាំទ្រកញ្ញាក៏ដោយ ។
បទចម្រៀងបើកឆាកនៅទ្រនំថ្មីនេះ នៅតែធ្វើឲ្យតារាចម្រៀងស្រីរូបនេះលេចធ្លោរខ្លាំង រហូតមានការលើកឡើងមួយចំនួនថា កញ្ញាអាចនឹងជំនួសតំណែងតារាស្រី ទេព បូព្រឹក្ស ដែលធ្លាប់ជ្រកកោនទ្រនំមួយនេះក៏ថាប ត្បិតទ្រនំថ្មីពោរពេញដោយអ្នកមានសមត្ថភាព ទេពកោសល្យចម្រៀងខ្ពស់ក៏ពិតមែន តែតារាចម្រៀងស្រីយ៉េៗដូច យូរី មានមិនច្រើនឡើយ ជាហេតុនាំឲ្យមានការលើកឡើងយ៉ាងដូច្នេះ។
គេនៅមិនទាន់ដឹងថា ការលើកឡើងមួយចំនួនពីមហាជននិងអាចក្លាយជាការពិតឬយ៉ាងណានោះទេ ប៉ុន្តែតារាចម្រៀងស្រីចាស់វស្សា ដែលទើបផ្លាស់ទៅផលិតកម្មហង្សមាស នេះនៅមានស្នាដៃថ្មីជាច្រើនទៀតដែលត្រៀមបញ្ចេញមកបំបែកកំណត់ត្រាទីផ្សារចម្រៀង។
បើងាកទៅមើលលើកម្មវិធី Tik Tok វិញនោះ «ផាំងៗ» មានការគាំទ្រខ្លាំងមែនទែន ដោយមានអ្នកយកទៅលេងលើកម្មវិធីនោះច្រើនរាប់មិនអស់ តាមបែបផែននិងស្ទីលតុបតែងរៀងៗខ្លួន៕
