អភិបាលខេត្តកំពង់ឆ្នាំង​ ថាការសម្រេច​ជោគជ័យ​ជា​ខេត្ត​ODF គឺផ្តល់​ផលចំណេញទាំង​សេដ្ឋកិច្ច និង​សុខភាពប្រជាជន

ខេត្តកំពង់ឆ្នាំង បានប្រកាសជាខេត្ត​បញ្ចប់ការបន្ទោបង់ពាសវាលពាសកាលឬហៅថាខេត្ត(ODF) ​ ដោ​យ​​បានដង្ហែរ ពាន​អប​អរ​​សាទរ និង​ប្រារព្ធ​ពិធីប្រកាសទទួលស្គាល់ជាផ្លូវ​ការ នៅបរិវេណសួ​នច្បា​រកណ្តាល​ក្រុងកំពង់ឆ្នាំង នាថ្ងៃទី២០ ខែមិថុនា ។

ថ្លែងនៅក្នុងពិធី​ពិធីប្រកាសទទួលស្គាល់នាព្រឹកមិញនេះ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានលើក​ឡើង​ថា ការបញ្ឈប់ការបន្ទោរបង់ពាសវាលពាសកាល ពិតជាដែលនាំមកនូវផលចំ​ណេញ​យ៉ាងច្រើន ទាំងផ្នែកសេដ្ឋកិច្ច និង​​សុ​ខភា​ពរបស់ប្រជាជន។ ទន្ទឹមនេះ ​ការងារផ្គត់ផ្គង់ទឹកស្អាត និង​អនាម័យ​ជនបទ នៅក្នុងខេត្ត ត្រូវបាន​​លើក​កម្ពស់ ដើម្បីកាត់បន្ថយនូវជំងឺឆ្លងផ្សេងៗ ដែលជាផលប៉ះ​ពាល់ដល់សុ​ខភាព​ប្រជាពលរដ្ឋ។

ជាមួ​យគ្នានេះ ឯកឧត្ដម សួស គង់ រដ្ឋលេ​ខាធិកា​រក្រសួងអភិ​វឌ្ឍន៍ជនបទ ក៏បានបញ្ជាក់ដែរថា ការសម្រេចជោគ​​ជ័យ​​លើ​​បញ្ចប់​​ការប​ន្ទោរបង់ពាសវាលពា​​សកាលរបស់ខេត្តកំពង់ឆ្នាំងនាពេលនេះ បានម​​កពីកិច្ចសហការ រវាងក្រសួង​​អភិវ​ឌ្ឍន៍​ជនបទ អាជ្ញាធរខេត្ត មន្ទីរ អង្គភាព នានាជុំវិញខេត្ត អាជ្ញា​មូលដ្ឋាន និងអង្គការដៃ​គូជាច្រើន ផង​​ដែរ។

គួរបញ្ជាក់ថា ខេត្តកំពង់ឆ្នាំងជាខេត្តទី៥ ដែលទទួលជ័យលាភី ជាខេត្តបញ្ចប់ការបន្ទោបង់ពាសវាលពាស​កាល (ODF) ប​​ន្ទា​​ប់ពីខេត្តស្វាយរៀង ខេត្តព្រៃវែង កណ្ដាល កំពង់ស្ពឺ ។ ក្រសួងអភិវឌ្ឍន៍ជនបទ បានកំណត់ ទិសដៅរបស់ខ្លួនក្នុងការ ឲ្យ​​ប្រជាពលរដ្ឋទទួលបានសេវាផ្គត់ផ្គង់ទឹកស្អាត និងអនាម័យឲ្យបាន១០០ភាគរយ នៅត្រឹមឆ្នាំ២០២៥ ៕

 

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង