កម្មវិធី​ប្រកួតត​ស៊ូមតិ​យុវជនជើង​ឯក​អាហា​រូបត្ថម្ភ ជួយលើកកម្ពស់ការសន្ទនារបស់យុវជន​ពាក់ព័ន្ធនឹង​របប​អាហារ​សុខ​ភាព

នៅថ្ងៃទី៣១ ខែមីនា ឆ្នាំ២០២៣ អង្គការហេឡែន ខេលល័រ បានរៀបចំការប្រកួតតស៊ូមតិយុវជនជើងឯកអាហារូបត្ថម្ភ ដោយមានបេក្ខជនទាំង១២រូបនឹងត្រូវបែងចែកជាបួនក្រុមចូលរួមប្រកួត និងជម្រុះយកពីរក្រុមឈានទៅវគ្គផ្តាច់ព្រ័ត្រ។ ការប្រកួតតស៊ូមតិយុវជនជើងឯកអាហារូបត្ថម្ភនេះ ធ្វើឡើងក្នុងគោលបំណង ដើម្បីលើកកម្ពស់ការសន្ទនារបស់យុវជន​​ពាក់ព័ន្ធនឹងរបបអាហារសុខភាព និងផ្ដល់ឱកាសឱ្យយុវជនយកទ្រឹស្ដីមកអនុវត្ត ដោយប្រមូលទិន្នន័យផ្សេងៗ។

ក្នុងការប្រកួតតស៊ូមតិយុវជនជើងឯកអាហារូបត្ថម្ភ នៅវគ្គពាក់កណ្តាលផ្តាច់ព្រ័ត្រដែលនឹងប្រព្រឹត្តទៅ នៅសាលអង្គរ​​គីហ្សូណា នៃមជ្ឈមណ្ឌលសហប្រតិបត្តិការកម្ពុជា-ជប៉ុន  កម្មវីធីបានរកឃើញក្រុមជ័យលាភីចំនួន២ក្រុម នឹងឡើង​ទៅប្រកួត​​នៅវគ្គផ្តាច់ព្រ័ត្រ ដែលនឹងគ្រោងធ្វឡើងនៅថ្ងៃទី៧ ខែមេសាខាងមុខនេះ ។

អ្នកស្រី ឈុន បូរមី អ្នកដឹកនាំយុវជនជើងអាហារូបត្ថម្ភកម្ពុជា បានបញ្ជាក់ថា កម្មវិធីប្រកួតតស៊ូមតិយុវជនជើងឯក​​អាហា​​​រូបត្ថម្ភ ធ្វើឡើងដើម្បីលើកកម្ពស់ការយល់ដឹងរបស់យុវជនអំពីរបបអាហារសុខភាព សម្រាប់ស្រ្តីនិងកុមារកម្ពុជា និង​បង្កើន​ជំនាញតស៊ូមតិរបស់យុវជននិងអភិវឌ្ឍនូវជំនាញផ្សេងៗទៀតដូចជា ការត្រិះរិះពិចារណា ការងារជាក្រុម ការ​ស្រាវជ្រាវ និងភាពជាអ្នកដឹកនាំជាដើម។


ជាមួយគ្នានេះ អ្នកស្រី ឈុន បូរមី រំពឹងថា យុវជនដែលរួមផ្ទាល់ និងទស្សនាកម្មវិធីនេះ នឹងបានយល់ដឹងកាន់​​តែច្បាស់​​អំពី​របបអាហារសុខភាព សុវត្ថិភាពចំណីអាហារ និងចែករំលែកចំណេះដឹងទាំងនេះ ដល់មនុស្សជុំវិញខ្លួន។

យុវតី លី ស្រីលីន ដែលបានចូលរួមប្រកួតក្នុងកម្មវិធីប្រកួតតស៊ូមតិយុវជនជើងឯកអាហារូបត្ថម្ភ ក៏បានលើកឡើងដែរថា កម្មវិធីនេះបានផ្តល់ចំណេះយ៉ាងច្រើន ជាពិសេស របបអាហារសុខភាព ក្នុងការរស់នៅប្រចាំថ្ងៃ។


គួរបញ្ជាក់ថា ការប្រកួតតស៊ូមតិយុវជនជើងឯកអាហារូបត្ថម្ភ គឺមានបេក្ខជនចំនួន១២នាក់ ត្រូវបានជ្រើសរើស ដើម្បី​​ទទួ​​ល​​​​​ការបណ្តុះ​បណ្ដាលស្ដីពីជំនាញតស៊ូមតិ ពីអ្នកជំនាញ និង​អភិវឌ្ឍនូវជំនាញផ្សេងៗរបស់ខ្លួនដូចជាការ​ត្រិះរិះពិចារណា ការងារជាក្រុម ការស្រាវជ្រាវ និងភាពជាអ្នក ដឹកនាំជាដើម។

បន្ទាប់ពីទទួលការបណ្តុះបណ្តាល បេក្ខជនទាំង១២រូប ត្រូវបានបែងចែកជាបួនក្រុម ដើម្បីចូលរួមការ ប្រកួតតស៊ូ​មតិ​​យុវ​ជន​ជើងឯកអាហារូបត្ថម្ភវគ្គពាក់កណ្តាលផ្តាច់ព្រ័ត្រ និងជម្រុះយកពីរក្រុមឈានទៅវគ្គផ្តាច់ព្រ័ត្រ។ សម្រាប់វគ្គផ្ដាច់ព្រ័ត្រ គ្រោងនឹងធ្វើឡើងនៅថ្ងៃទី៧ ខែមេសា ខាងមុខ ។

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង