យ៉ាងហោចណាស់មនុស្សប្រមាណ៥០នាក់ ត្រូវបានបញ្ជូនទៅសង្គ្រោះភ្លាមៗនៅមន្ទីរពេទ្យ បន្ទាប់ពីមានអាការៈមិនស្រួល ដែលគេដាក់ការសង្ស័យថា ពុលបន្លែឆៅដែលពួកគាត់ ហូបជាមួយបាញ់ហយ ក្នុងកម្មវិធីបុណ្យមួយ ដែលធ្វើឡើងនៅក្នុងវត្តសំរោងលើ ភូមិសំរោង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង ។
សមត្ថកិច្ចមូលដ្ឋាន បានឲ្យដឹងថា ក្នុងចំណោមមនុស្ស៥២នាក់ ដែលបានទទួលទានបាញ់ហយជាមួយបន្លែឆៅ ហើយពុ.លជាបន្ដបន្ទាប់នេះ បានបញ្ជូនទៅសង្គ្រោះនៅមណ្ឌលសុខភាព និងមន្ទីរពេទ្យបង្អែកស្រុកមោងឫស្សី ចំនួន២០នាក់។
ក្រោយទទួលបានការសង្គ្រោះពលរដ្ឋមួយចំនួនធូរស្រាលឡើងវិញ ហើយត្រូវបានគ្រូពេទ្យអនុញ្ញាតឲ្យត្រឡប់ទៅផ្ទះវិញជាធម្មតា៕
