កំពង់ឆ្នាំង ៖ គ្រូបង្រៀនចំនួន៥នាក់មកពីក្រុង និងស្រុក ក្នុងខេត្តកំពង់ឆ្នាំង បានទទួលជ័យលាភីពានរង្វាន់សម្តេចហ៊ុន និង ប័ណ្ណសរសើរ ជាគ្រូ បង្រៀនល្អភាសារខ្មែរ គណិតវិទ្យា និង សាលាស្អាតប្រចាំឆ្នាំ២០១៩-២០២០ ។
ពិធីប្រគល់ពានរង្វាន់ជ័យលាភី ដល់គ្រូល្អទាំង៥នាក់នេះ ធ្វើឡើងកាលពីថ្ងៃទី ១៤ ខែធ្នូ ឆ្នាំ២០២១ ក្រោមអធិបតីភាព លោជំទាវ ទន់ សាអ៊ីម និង លោកជំទាវ សឿ សុជាតា អនុរដ្ឋលេខាធិការក្រសួងអប់រំយុវជននិងកីឡា ។
លោកស៊ឹម ប្រឹម ប្រធានមន្ទីរអប់រំយុវជន និង កីឡាខេត្តកំពង់ឆ្នាំងបានឱ្យដឹងថា នៅឆ្នាំ២០១៩,២០២០នេះ ខេត្តកំពង់ឆ្នាំង ទទួលបានជ័យភីគ្រូបង្រៀនល្អចំនួន៥នាក់ ផ្នែកភាសាខ្មែរ និង គណិតវិទ្យា ថ្នាក់ទី១ដល់ថ្នាក់ទី៣ ចំនួន៣នាក់និងសាលារៀនស្អាតចំនួន២សាលា គឺសាលាបឋមសិក្សាគំរូក្រុង និងសាលាវិទ្យាល័យចំណេះទូទៅ និង បច្ចេកទេស
ព្រះបាទ នរោត្តមសីហមុនី ។
លោជំទាវ ទន់ សាអ៊ីម និង លោកជំទា សឿ សុជាតា អនុរដ្ឋលេខាធិការក្រសួងអប់រំយុវជននិងកីឡាបានមានប្រសាសន៍ សំដែងនូវការកោតសរសើរចំពោះថ្នាក់ដឹកនាំ មន្ទីរអប់រំ និង លោគ្រូ អ្នគ្រូទាំងអស់ ដែលបានយកចិត្តទុកដាក់ បង្រៀន ប្រកបដោយ ភាពច្បាស់លាស់ និង ព្យាយាមយកអស់ពីកម្លាំងកាយចិត្តដើម្បីចូលរួមកែខៃគុណភាពអប់រំបានល្អ ។
លោកជំទាវ បានបញ្ជាក់ទៀតថា ចក្ខុវិស័យរបស់ក្រសួងអប់រំ យុវជន និងកីឡា គឺការកសាង និងអភិវឌ្ឍន៍ធនធានមនុស្សប្រកបដោយគុណភាព និងគុណធម៌ប្រសើរបំផុតលើគ្រប់ផ្នែក ដើម្បីកសាងសង្គមកម្ពុជាឱ្យក្លាយជាសង្គមរីកចម្រើនលើផ្នែក ចំណេះដឹង និង ចំណេះធ្វើជាមូលដ្ឋាន ។
ដើម្បីលើកកម្ពស់គុណភាពអប់រំ ក្រសួងអប់រំ យុវជន និង កីឡា បានអភិវឌ្ឃន៍សមត្ថភាពគ្រូបង្រៀន និង បានរៀបចំនូវក្រមសីលធម៌វិជ្ជាជីវៈមួយទៀតដើម្បីតម្រង់ទិសដល់គ្រូបង្រៀនក្នុងការពេលបំពេញកាតព្វរបស់ខ្លួនជាគ្រូបង្រៀន ដោយធានាយ៉ាងណាអោយគ្រូបង្រៀនមានគុណភាពប្រកបគុណតម្លៃផងដែរ ៕
