ពិតជាសរសើរតែម្តងកុមារី សំអុល សុមនា នៅវ័យក្មេងទេ តែអាចមានសមត្ថភាពចេញរកលុយចិញ្ចឹមខ្លួន ចិញ្ចឹមគ្រួសារ បានបាត់ទៅហើយ។ នាងតូចរូបនេះត្រូវបានផលិតករភាពយន្តជាច្រើនជួយផ្តល់ឱកាស សម្តែងរហូតលេចមុខមាត់ ក្នុងពិភពសម្តែង។
សំអុល សុមនា ត្រូវបានសង្គមសិល្បៈ អោយតម្លៃថា នាងគឺជាពន្លកតារាសម្តែងដ៏ មានសមត្ថភាពម្នាក់ពិបាករក។ នាងប្រៀបដូចជារៀមច្បងសិល្បៈជំនាន់មុនៗ ចេញសម្តែងពីតូចដូចជា ដាញ់ ម៉ូនីកា លីច័ន្ទសីហាជាដើម។ សុមនា មានមុខមាត់ទម្រង់កូនខ្មែរពិតៗ សម្បុរសខ្មៅស្រអែមគួរអោយគយគន់។ មានដុងពីសិល្បៈ ធ្វើអោយនាងថតសម្តែងបានច្រើនរឿងតាំងពីរឿងដុំ និងរឿងភាគ និងសុទ្ឋតែជាផលិតកម្មល្បីៗ។ ស្នាដៃរឿងដែលនាង សម្តែងរួមមាន៖ «នាឡិកដាស់វិញ្ញាណ» រឿង«ឯកា» ថតអោយមហាហង្ស រឿង«អ្នកសើបអង្កេតខួរក្បាលអច្ឆរិយ» រឿង«លោកឪពុក» រឿង«ច្រណែនគេ» និងថតស្បតធំៗមួយចំនួនទៀត។
សុមនា និយាយថា ចូលចិត្តវិស័យសម្តែងតាំងពីតូចមកម្ល៉េះ ហើយអុកឡុកការងារតាំងពី៤ឆ្នាំមុន។ រហូតមកទល់ពេលនេថតសម្តែង បានជាច្រើនរឿងមកហើយចាំខ្លះ អត់ចាំខ្លះ ។ តារាដែលរៀនថ្នាក់ទី៨រូបនេះ បន្តថា សប្បាយចិត្តដែលផលិតករពេញចិត្តអោយ មានឱកាសថតសម្តែង ហើយសន្យាថា នឹងព្យាយាមថតអោយល្អ បើទោះជាពេលខ្លះហត់នឿយក៏ទ្រាំ។ បច្ចុប្បន្នកុំពុងថតរឿង«ស្នេហ៏ជាចម្លើយ» ព្រមទាំងរឿងផ្សេងៗទៀតថតដំណាលគ្នា។ យ៉ាងណាសូមអរគុណដល់ រៀមច្បងទាំងអស់ បានគាំទ្រ ផ្តល់ទីផ្សារសម្តែងរហូតមក។
