តារាចម្រៀង សាល បាទី ដែលលេចមុខមាត់ច្រើនជាមួយក្រុម ចម្រៀងបែបអប់រំសុខភាពតាមរោងចក្រ បានបង្ហាញបទថ្មីរបស់ខ្លួន។ ចម្រៀងថ្មីនៅលើផលិតកម្មថ្មីនេះ បានបន្សល់ នូវក្តីសង្ឃឹមច្រើនថា លោកពិតជាទទួលបានភាពទាក់ទាញជាបន្ត ក្រោយមួយរយៈនេះកេរ្តី៍ឈ្មោះកាន់តែប្រសើរឡើង។
បទ«រាត្រីនឹក រាត្រីឯកា» ដែលលោកសាល បាទី លើកយកមកបកស្រាយ អោយផលិតកម្ម HOM Music ត្រូវបានគេទម្លាយថា ជាប្រភេទបទល្អ ក្រោមការសម្រិតសម្រាំងដោយភាពយកចិត្តទុកដាក់ខ្ពស់។ ស្របពេលដឹងថា សាលបាទី មានទកដមសំឡេង យកជាការបានទើបខាងផលិតកម្ម សម្រេចអោយលោកច្រៀង ដោយជឿមុតមាំថា ពេលផ្សាយទៅនឹងចាក់ដោតមិត្តអ្នកស្តាប់។
បាទី ថ្លែងថា រីករាយដែលបានខាងផលិតកម្មជ្រើសរើស លោកបានច្រៀងបទខាងលើ ដោយលោកច្រៀងហើយរួលរាល់ ពិតជាមានអត្ថន័យល្អ។ លោកធានាថាបើបងប្អូនបានស្តាប់ ដឹងថាសុីអារម្មណ៏តែម្តង។ ជាថ្មីម្តងទៀត សូមអរគុណដល់ខាងផលិតកម្មដែលបានផ្តល់ឱកាសជ្រើសរើសលោក និងតារាផ្សេងៗទៀតមករួមការងារ។ លោកមានតែខិតខំពង្រឹង សមត្ថភាពអោយល្អ ដើម្បីអោយផលិតកម្មកាន់តែមានការទាក់ទាញតទៅទៀត។
