ក្រុមហ៊ុន​ សេង ហាន ជូនកាដូអ្នកខំធ្វើការជាង១០០នាក់ ទៅកម្សាន្តនៅភូកេត ប្រទេសថៃ

ដើម្បីលើក​ទឹកចិត្តដល់​បុគ្គលិក​ល្អៗ​ ខំ​បំពេញ​ការងារ ​ជាមួយ​អាជីព​ដីឡូត៏​ ដែល​មាន​សន្ទុៈ ​ថ្នាក់​ដឹកនាំ​ក្រុមហ៊ុន​ សេង ហាន បានបំពេញ​បំណង ដល់​បណ្តា​ក្រុមការងារ​ជាច្រើន​រូប​បាន​ចេញ​ទៅកម្សាន្ត​តំបន់ភូកេត ​នាប្រទេសថៃ​។​ ម្ល៉ោះ​ហើយបុគ្គលិក​ជាច្រើន​រូបមាន​ការ​រីករាយ ពេល​ចេញ​ដំណើរ​ទៅកាន់​ថៃ កាលពី​ព្រឹកព្រលឹម​ថ្ងៃទី១៨ ​ខែមករា ​ឆ្នាំ២០២០ ​។​


នេះ​ជា​ឱកាស​លើកទី៤​ហើយ​ ដែល​ក្រុមហ៊ុន​ សេង ​ហាន ពាំនាំក្រុមការងារចេញទៅក្រៅប្រទេស។ ដំណើរទៅភូកេតប្រទេសថៃលើកនេះ ត្រូវ​បានលោកអគ្គនាយក ចំណាយលើសគម្រោងមុនៗ ដើម្បីលើកទឹកចិត្តកូនចៅ ខិតខំធ្វើការជូនថ្នាក់ដឹកនាំយ៉ាងអំណត់អត់ធន់។ ឱកាស​ដែល​ក្រុម​ការងារជាង១០០រូប បានបំពេញដំណើរលើកនេះ មានទាំងចាស់ និងអ្នកថ្មី ដែលលក់គម្រោងដី ចូលកម្រិតអាចឈ្នះ​ដំណើរកម្សា​ន្ត​បាន។ មិនថាចាស់ឬថ្មីនោះទេ អោយតែមានចិត្តព្យាយាម ខិតខំអាចមានឱកាសដូចគ្នា។

លោកយ៉ន សេងហាន អគ្គនាយកក្រុមហ៊ុន សេង ហាន បានថ្លែងអោយដឹងថា ដោយសារ តែក្រុមហ៊ុនយើងមានសន្ទុៈ រីកចម្រើនជាមួយ​ក្រុម​ការងារ​ទើបយើងរមែងគិតគូដល់ការ តស៊ូរបស់ពួកគាត់ ជូនការដូ ដំណើរកម្សាន្ត។ យើងនឹងបន្តធ្វើនាឱកាសក្រោយៗទៀត ដល់ដំណើរចេញ​ទៅ​បណ្តា​ប្រទេសផ្សេងៗទៀត។ យ៉ាងណាមិញ លោកមានការសប្បាយចិត្តដែលឃើញជីវភាពបុគ្គលិកនានា មានការប្រែប្រួល មានផ្ទះមាន ឡានសល់លុយសង​បំណុលគេ ហើយមានប្រាក់ចំណូលលើសលុប ។ បើគិតពីមុនៗខ្លះជា​កម្មករ រោងចក្រ ធ្វើការអោយគេតាមប្រទេសផ្សេងៗ តែពេលបានសិក្សា​ពីគោលការណ៏​ច្បាស់លាស់របស់ យើងទើប​ពួកគាត់រើបម្រាស់បាននូវជីវភាពមួយល្អ។

គួរបញ្ជាក់ថា ក្រៅពីមានដីឡូត៏ពុះលក់ សេងហាន ក៏វិវត្តន៏លក់គម្រោងផ្ទះល្វែង ហើយលក់ជាផលិតផលសម្រស់ និងអាហារបំប៉ន​សុខភាព​ផង​ដែ​រ​។

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង