កំពង់ឆ្នាំង ៖ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានផ្តល់សត្វគោ ចំនួន ៤០ក្បាល ដល់អង្គភាពតំបន់ប្រតិបត្តិការសឹករងកំពង់ឆ្នាំង សម្រាប់យកទៅចិញ្ចឹម ដើម្បីបង្កើនជីវភាពកងទ័ព ។
សត្វគោចំនួន ៤០ក្បាលនេះ ត្រូវបាននាំយកមកប្រគល់ជូន លោកឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង នាថ្ងៃទី១៩ ខែមិថុនា ឆ្នាំ២០២៦ នេះ ។
នៅក្នុងឳកាសនោះ លោកឧត្តមសេនីយ៍ត្រី អ៊ុ សុភា ជំនួសមុខឲ្យនាយទាហាន នាយទាហានរង និងពលទាហានទាំងអស់ នៃតំបន់ប្រតិបត្តិការសឹករងកំពង់ឆ្នាំង សូមគោរពថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តម ឧបនាយករដ្ឋមន្ត្រីសាយ សំអាល់ ដែលបានយកចិត្តទុកដាក់ក្នុងបង្កើនជីវភាពរបស់កងទ័ព ហើយលោកមេបញ្ជាការក៏បានសន្យាថា នឹងចិញ្ចឹមមើលថែសត្វគោទាំងនេះឲ្យបានល្អ ៕ អត្ថបទ ៖ហឹង ចូច
