កំពង់ឆ្នាំង ៖ក្រុមបាល់ទាត់សិស្សមធ្យមសិក្សារបស់ក្រុងកំពង់ឆ្នាំងបានយកឈ្នះក្រុមបាល់ទាត់សិស្សមធ្យមសិក្សាស្រុករលាប្អៀរ ក្នុងលទ្ធផល ២ទល់១ កាលពីរសៀលថ្ងៃទី១៥ ខែកុម្ភៈ ឆ្នាំ២០២២ នៅទីលានបាល់ទាត់មុខសាលាខេត្តកំពង់ឆ្នាំង ។
គួរបញ្ជាក់ថា ការប្រកួតកីឡាសិស្សបឋមសិក្សា និងមធ្យមសិក្សានៅទូទាំងខេត្តកំពង់ឆ្នាំង បានចាប់ផ្តើមបើកការប្រកួតហើយ ដែលពិធីបើកការប្រកួតនេះ ប្រារព្ធធ្វើកាលពីរសៀលថ្ងៃទី១៥ ខែកុម្ភ: ឆ្នាំ២០២២ ។ ការប្រកួតកីឡាសិស្សបឋមសិក្សា និង មធ្យមសិក្សាឆ្នាំ២០២១ -២០២២នេះ ខេត្តកំពង់ឆ្នាំង ដោយចាប់ផ្តើមពីថ្ងៃទី១៥ ដល់ថ្ងៃទី២១ ខែកុម្ភៈ ឆ្នាំ២០២២ ។ ប្រកួតលើវិញ្ញាសា បាល់ទាត់ បាល់បោះ បាល់ទះ និង អត្តពលកម្ម ដោយមានកីឡាករ កីឡាការនី ចូលរួមប្រកួតសរុបចំនួន១ ៧៦០នាក់ ៕
