យ៉ាងហោចណាស់រថយន្តចំនួន៣គ្រឿង បានរងការខូចខាត ក្នុងនោះបណ្តាលឱ្យឆាបឆេះអស់២គ្រឿង និងមួយគ្រឿងទៀតក្រឡាប់លើចិញ្ចើមផ្លូវជាតិ ខណៈដែលរថយន្តទាំង៣គ្រឿងនេះ បានបុកគ្នាយ៉ាងពេញទំហឹង បង្កការភ្ញាក់ផ្អើលដល់សមត្ថកិច្ចចុះទៅជួយអន្តរគមន៍បាញ់ពន្លត់ផងដែរ។
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើង នារសៀលថ្ងៃទី២៥ កុម្ភៈ ស្ថិតនៅលើផ្លូវក្រវាត់ក្រុង ក្នុងខេត្តព្រៃវែង ។
បេីតាមសេចក្តីរាយការណ៍ពីខេត្តព្រៃវែងបានឱ្យដឹងថា នៅក្នុងហេតុការណ៍គ្រោះថ្នាក់ចរាចរណ៍នេះ មានមនុស្សរងរបួសធ្ងន់និងស្រាលចំនួន៣នាក់ ប៉ុន្តែមិនទាន់ស្គាល់អត្តសញ្ញាណនៅឡើយទេ ។
ក្នុងពេលកើតហេតុភ្លាមៗនោះ សមត្ថកិច្ចកំពុងចុះអន្តរាគមន៍ និង ជួយបាញ់ទឹកពន្លត់រថយន្តដែលកំពុងឆាបឆេះនោះ។ ចំណែកជនរងគ្រោះត្រូវបានដឹកយកទៅសង្គ្រោះនៅមន្ទីរពេទ្យបង្អែកខេត្តផងដែរ៕
