ដើម្បីចូលរួមទប់ស្កាត់នៃការរីករាលដាលនៃមេរោគកូវីដ១៩ ក្នុងព្រឹត្តិការណ៍សហគមន៍២៨វិច្ឆិកា ឲ្យទទួលបានប្រសិទ្ធភាពខ្ពស់ ក្រសួងសុខាភិបាល នៅថ្ងៃទី០៨ ខែវិច្ឆិកា បានអំពាវនាវឱ្យបងប្អូនប្រជាពលរដ្ឋ ដែលបានទៅហាង Pedro ផ្លូវព្រះសីហនុ និងហាង Zando ផ្លូវត្រសក់ផ្អែម ចាប់ពីថ្ងៃទី២៧ ខែវិច្ឆិកា សូមមេត្តាមកធ្វើចត្តាឡីស័កនៅសណ្ឋាគារសុខាភ្នំពេញ ដោយបន្ទុកចំណាយទាំងអស់ រាជរដ្ឋាភិបាលជាអ្នករ៉ាប់រង។
ការអំពាវនាវរបស់ក្រសួងសុខាភិបាលដូចនេះ ធ្វើឡើងដោយសារក្នុងរយៈពេលចុងក្រោយនេះ ក្រសួងសុខាភិបាលបានរកឃើញអ្នកដែលបានធ្វើតេស្តវិជ្ជមានមេរោគកូវីដ១៩ សុទ្ធតែធ្លាប់បានទៅហាងលក់ទំនិញ Zando ដែលមានអាសយដ្ឋានស្ថិតនៅផ្លូវត្រសក់ផ្អែម និងហាង Pedro ដែលមានអាសយដ្ឋានស្ថិតនៅផ្លូវព្រះសីហនុ រាជធានីភ្នំពេញ៕
