ឃាត់​ខ្លួន​ក្រុម​​ក្មេង​បង្កអនា​ធិបតេយ្យ​ចំនួន​០៦នាក់​នៅស្រុកថ្មគោ​ល​ យក​មក​អប់រំ​ណែ​នាំ​ ក្រោយយកដុំថ្មគប់​បំផ្លាញ​ទ្រព្យ​សម្បត្តិ​អ្នកដ​ទៃជា​ការកំសាន្ត​សប្បា​យ​

កាលពីថ្ងៃទី០២ ខែកុម្ភៈ ឆ្នាំ២០២១ វេលាម៉ោង១៧ និង ១០នាទីអនុវត្តតាមយោបល់ដឹកនាំរបស់លោកឧត្តមសេនីយ៍ទោ​ សាត​ គឹមសាន​ ស្នងការ​នៃស្នងការដ្ឋាននគរ​បាលខេត្តបាត់ដំបង​ លោកវរ​សេនី​យ៍ឯក​ ផង់​ សុភាព​ អធិការនគរបាល​ស្រុកថ្ម​គោល​ បាន​ដឹកនាំកម្លាំងក្នុងអង្គភាព​ ឃាត់ខ្លួនក្រុម​ក្មេងបង្កអនាធិបតេយ្យចំនួន០៦នាក់​យកមកធ្វេីការអប់​រំណែនាំ​នៅ​អធិការដ្ឋាន​នគរ​បាល​ស្រុក។
សមត្ថកិច្ច បានអោយដឹងថា មូលហេតុដែលនាំដល់ការឃាត់ខ្លួននេះគឺស្របតាមពាក្យបណ្តឹងរបស់ជនរងគ្រោះឈ្មោះ អ៉ិន បូរមី ភេទប្រុសអាយុ២០ ឆ្នាំរស់នៅភូមិពពាលខែ ឃុំជ្រៃ ស្រុកថ្មគោល ខេត្តបាត់ដំបង​ បានប្តឹងចូលមកសមត្ថកិច្ចនគរបាល​ស្រុក​អំពី​ក្រុម​ក្មេងមួយក្រុមបានយកដុំថ្មគប់បំផ្លិចបំផ្លាញរោងជាង​ជួសជុលម៉ូតូមួយកន្លែងរបស់គាត់ក្នុងមូលដ្ឋានខាងលេី​បណ្តាលឱ្យខូច​ខាត​ដោយអន្លេីនាថ្ងៃទី​០២​ខែ​កុម្ភៈ​ឆ្នាំ​២០២១ដោយពុំដឹងមូលហេតុ។
សមត្ថកិច្ច បានអោយ​ដឹងទៀតថា ក្រោយទទួលបានព័ត៌មានភ្លាមនិងអនុវត្តតាមយោបល់ដឹកនាំរបស់លោកឧត្តមសេនីយ៍​ស្នង​ការ​​នគរ​បាលខេត្តបាត់ដំបង​ លោកអធិការនគរបាលស្រុក​ដឹកនាំកម្លាំងចេញប្រតិបត្តិការស្រាវជ្រាវ​និងឃាត់ខ្លួនបានភ្លាមៗ​ចំ​ពោះ​ក្រុមក្មេងបង្កអនាធិបេត្យខាងលេីចំនួន០៦នាក់​ យកមកធ្វេីការសាក​សួរស្រាវជ្រាវនៅអធិការដ្ឋាន។ អ្វីដែល​គួរឱ្យហួស​ចិត្ត​បំផុត​នោះ​ នៅចំពោះមុខ​សមត្ថកិច្ចនគរបាលស្រុក​ ក្រុមក្មេងៗទាំងនេះ​បានឆ្លេីយសារភាពថា​ មូលហេតុដែលពួកគេ​យកដុំថ្ម​គប់​បំផ្លាញរោងជួសជុលម៉ូតូរបស់ជនរងគ្រោះខាងលេីនេះ​ គឺមិនមែនដោយសារគំនុំអ្វីនោះទេ​តែសកម្មភាពរបស់​ពួកខ្លួនបែបនេះ​គឺ​គ្រាន់​ ជាការកំសាន្តសប្បាយតែប៉ុណ្ណោះ។
ក្រោយការជួសជុលសំណងទៅជនងគ្រោះជា​ម្ចាស់តូបរួចមកសមត្ថកិច្ចនគរបាលបានធ្វេីការអប់រំនិងធ្វើកិច្ចសន្យាដោយឱ្យឪពុក​ ម្តាយធានាយក​ទៅអប់រំបន្ថែមនៅមូលដ្ឋានវិញ៕
(រូបភាព នគរ​បាលស្រុកថ្មគោល)

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង