លោក​​ឧកញ៉ា​ ឡេង​ ណា​វ៉ាត្រា ប្រគល់​​​ប្រា​ក់​​​សុទ្ធ១​លាន​​ដុល្លារ ជូន​ឯកឧត្តម សេង ទៀង ដើម្បី​ចូលរួម​​ទិញ​វ៉ាក់សាំ​ង​ជាមួយសម្តេច​តេជោ​ ហ៊ុន សែន

លោកឧកញ៉ា ឡេង ណាវ៉ាត្រា បានប្រគល់ប្រាក់សុទ្ធ លានដុល្លារជូនឯកឧត្តម សេង ទៀង ដើម្បីចូលរួមទិញវ៉ាក់សាំងចាក់ ជូន ពលរដ្ឋឥតគិតថ្លៃ ជាមួយ សម្តេចតេជោ ហ៊ុន សែន នៅថ្ងៃទី ១០ ខែ ធ្នូ ឆ្នាំ ២០២០ នេះរួចរាល់ហើយ

ជាក់ស្តែងតាមរូបភាពដែលទស្សនិកជនបានឃើញនេះស្រាប់ លោក ឧកញ៉ា ឡេង ណាវ៉ាត្រា បានប្រគល់ប្រាក់សុទ្ធចំនួន លាន​​​​ដុល្លារជូនឯកឧត្តម សេង ទៀង ដោយផ្ទាល់តែម្តង ទាំងនេះគឺជាកាយវិការសប្បុរសដ៏ធំធេង ដែលមិនមាន​អាច​បំភ្លេច​បាន ក្នុងការចូលរួមជួយដល់សង្គមរបស់ឧកញ៉ា ឡេង ណាវ៉ាត្រា ជានិច្ចកាលលោកឧកញ៉ាវ័យក្មេង ដែលធ្លាប់មានប្រវត្តិជា​ពល​ករ​ធ្វើការនៅប្រទេសកូរ៉េរូបនេះតែងតែជួយ ដល់សង្គមជានិច្ច។

កន្លងមក លោកឧកញ៉ា ទើបតែបានបរិច្ចាគចំនួន ៦០ម៉ឺនដុល្លារព្រមទាំងអង្ករ៥០តោន ចូលរួមជាមួយ សម្ដេចតេជោ ជួយដល់​ពល​រដ្ឋរងគ្រោះដោយទឹកជំនន់ផងដែរ។ ការចូលរួមបរិច្ចាគរបស់លោកឧកញ៉ា ឡេង ណាវ៉ាត្រា ត្រូវបាន​គេ​មើលឃើញថា បាន​ធ្វើឡើងមុនគេភ្លាមៗតែម្ដង បន្ទាប់ពីសម្តេចតេជោ ហ៊ុន សែន ប្រកាស ពីការត្រៀមថវិកាទិញវ៉ាក់សាំងកូវីដ១៩ មកចាក់ជូនប្រជាពលរដ្ឋដោយឥតគិតថ្លៃ ស្របពេលដែលជំងឺកូវីដ១៩ បានឆ្លងចូលដល់សហគមន៍កម្ពុជា។

ក្រៅពីឧកញ៉ា ឡេង ណាវ៉ាត្រា ក៏មានឧកញ៉ាៗជាច្រើនទៀតបានចូលរួមបរិច្ចាគថវិការផ្ទាល់ខ្លួនជួយ ដល់ប្រទេសជាតិផងដែរ

ផ្អែកតាមផេក សម្ដេចតេជោ គិតមកដល់ល្ងាចថ្ងៃទី៩ ខែ ធ្នូ ឆ្នាំ ២០២០នេះ ថវិកាដែលសប្បុរសជនចូលតាមតិចតាម​ច្រើនតាម​សទ្ធា​ជ្រះថ្លា​មានប្រមាណជាង៣៦លានដុល្លារ។ គួរបញ្ជាក់ផងដែរថា សម្តេចតេជោ ហ៊ុន សែន បានប្រកាស កាលពីល្ងាច ថ្ងៃទី៨ ខែធ្នូឆ្នាំ២០២០ពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូសដើម្បីចាក់ប្រជាពលរដ្ឋប្រមាណ ៥០ម៉ឺននាក់

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង