បាត់ដំបង៖ កម្លាំងនគរបាលនៃស្នងការដ្ឋាននគរបាល ខេត្តបាត់ដំបង សហការណ៍ជាមួយមន្រ្តីនគរបាលមន្ទីរប្រឆាំងបទល្មេីសគ្រឿងញៀននៃអគ្គស្នងការដ្ឋាននគរបាលជាតិ នៅថ្ងៃទី ៥ ខែ ធ្នូ ឆ្នាំ២០២០ បានបង្រ្កាបករណីគ្រឿងញៀនមួយករណីនៅមូលដ្ឋានស្រុកកំរៀង ខេត្តបាត់ដំបង ដោយបានឃាត់ខ្លួនស្រ្តីម្នាក់រួមជាមួយគ្រឿងញៀនប្រភេទមេតំហ្វេតាមីន ៣០ដុំធំមានទំងន់ជិត៣០គីឡូក្រាម។
នគរបាលខេត្តបាត់ដំបង បានអោយដឹងថា ជនសង្ស័យដែលឃាត់ខ្លួនខាងលើជាជនជាតិថៃ មានឈ្មោះផាត់ ភុំរតនាហៅហ្វា មានទីលំនៅឃុំណងប៊ុន ស្រុកបរ៉ៃ ខេត្តត្រាត ប្រទេសថៃ។
នគរបាលខេត្តបាត់ដំបង បានអោយដឹងទៀតថា ពេលឃាត់ខ្លួននោះ គឺបានដកហូតវត្ថុតាងរួមមាន ថ្នាំញៀនប្រភេទមេតំហ្វេតាមីន ម៉ាទឹកកកICEចំនួន៣០ដុំធំ មានទម្ងន់សរុប២៩៨៥៧,០២ក្រាម ទូរស័ព្ទដៃ សៀវភៅធនាគារ និងលិខិតឆ្លងដែន។
បច្ចុប្បន្នជនសង័្សយខាងលេីកំពុងធ្វេីការស្រាវជ្រាវបន្ត និងរៀបចំបញ្ជូនទៅតុលាការដេីម្បីផ្តន្ទាទោសតាមច្បាប់៕
