ក្លិបឬទ្ធិសែនខេត្តកំពង់ឆ្នាំង នឹងបើកទ្វារទីលានបាល់ទាត់មុខសាលាខេត្តទទួលស្វាគមន៍ក្រុមភ្ញៀវ ខេត្តត្បូងឃ្មុំ នៅថ្ងៃអាទិត្យ ទី២៧ ខែកញ្ញា ស្អែកនេះ វេលាម៉ោង៣រសៀល ។ ការប្រកួតលក្ខណ:មិត្តភាពរវាងក្រុមទាំង២នេះ ជាការប្រកួតស្រង់បច្ចេកទេស មុនចាប់ផ្តើមការប្រកួតលីគ២ នៅដើមខែក្រោយ។
ស្របពេលត្រៀមខ្លួនប្រកួតក្នុងក្របខណ្ឌលីគ២ ក្លឹបឬទ្ធិសែន បានកំពុងប្រមូលផ្តុំកីឡាករមកពីគ្រប់ក្រុងស្រុកទូទាំងខេត្តកំពង់ឆ្នាំងដើម្បីហ្វឹកហាត់។ ក្នុងនោះក៏មានការប្រកួតលក្ខណ:មិត្តភាពដកស្រង់បច្ចេកទេសផងដែរ ពោលគឺកាលពីរសៀលថ្ងៃអាទិត្យទី១៣ ខែកញ្ញា ក្រុមឬទ្ធិសែន បានប្រ
កួតក្នុងលក្ខណ:មិត្តភាព ឈ្នះក្រុមអាយ អេស អាយ ( ISI ) ក្នុងលទ្ធផល២ទល់នឹង១ ។
សូមបញ្ជាក់ថា ក្លិបឬទ្ធិសែនខេត្តកំពង់ឆ្នាំង នឹងចូលរួមការប្រកួតជម្រេីសជេីងឯកកម្ពុជា លីគ២ រដូវកាលឆ្នាំ២០២០ ដែលនឹងចាប់ផ្ដើមពីថ្ងៃទី០៣ ខែតុលា ដល់ថ្ងៃទី២៧ ខែធ្នូ ខាងមុខ ដោយមាន១០ក្រុមចូលរួម ។ ក្រុមទាំង១០មានដូចជា សៀមរាបអេហ្វស៊ី, កោះកុងអេហ្វស៊ី, ឫទ្ធីសែន, សមាគមបាល់ទាត់ព្រៃវែង, មន្ទីរអប់រំយុវជន និងកីឡាខេត្តត្បូងឃ្មុំ, ស្វាយរៀង, កំពង់ស្ពឺ, ISI Dangkor Senchey, យុវជនភ្នំពេញក្រោននិង Tiffy Army U21 ៕
