ក្រោយពីបាត់មុខក្នុងវិស័យបាល់ទាត់ជាង១០ឆ្នាំ នៅពេលនេះ លោក សាន់ យូ ដែលបច្ចុប្បន្នជា អភិបាលរងខេត្តកំពង់ឆ្នាំង បានប្រកាសវិលត្រលប់ចូលមកក្នុងវិស័យនេះវិញ ដោយមកដឹកនាំក្រុមបាល់ទាត់យុវជនឬទ្ធិសែនខេត្តកំពង់ឆ្នាំង ។
ប្រកាសវិលត្រលប់ចូលមកក្នុងវិស័យបាល់ទាត់ឡើងវិញនេះ លោក សាន់ យូ ក៏ប្រកាសថា នឹងជ្រើសរើសយុវជនដែលមានសមត្ថភាពនៅគ្រប់ក្រុងស្រុកទូទាំងខេត្តកំពង់ឆ្នាំង អោយចូលរួមជាមួយក្លិបផងដែរ។
គួរបញ្ជាក់ថា កាលពីជាង១០ឆ្នាំមុន លោក សាន់ យូ ត្រូវបានគេស្គាល់ថា ជាតួអង្គដ៏សំខាន់មួយរូបនៅក្នុងខេត្តកំពង់ឆ្នាំង ដែលបានចំណាយពេលវេលានិងថវិកាជួយអភិវឌ្ឍវិស័យកីឡាបាល់ទាត់ក្នុងខេត្ត ជាពិសេសនៅឆ្នាំ២០១១ បាននាំក្រុមឬទ្ធិសែនបង្ហាញខ្លួននៅក្នុងក្របខ័ណ្ឌលីកកំពូលរបស់កម្ពុជា។
