ទឹកធ្លាក់ស្រែអំពិល ស្ថិតក្នុងភូមិស្រែអំពិល ឃុំក្តុលសែនជ័យ ស្រុកទឹកផុស ខេត្តកំពង់ឆ្នាំង ជារមណីយដ្ឋានមួយដែលត្រូវបានរៀបចំដោយសហគមន៍នៅក្នុងតំបន់នោះ ក្រោមការផ្តួចផ្តើមពីអាជ្ញាធរស្រុក និងឃុំ បច្ចុប្បន្នមានភ្ញៀវទេសចរណ៍ទៅលេងកំសាន្តច្រើន។
អាជ្ញាធរឃុំ ក៏ដូចជាសហគមន៍ បានអំពាវនាវដល់ប្រជាពលរដ្ឋដែលចូលចិត្តដើរលេងកម្សាន្ត អាចទៅលេងទីនោះ ព្រោះមានទឹកជ្រោះ និងព្រៃភ្នំយ៉ាងស្រស់ស្អាត ។
សហគមន៍បានរៀបចំក្យូស សម្រាប់អង្គុយលេងច្រើនកន្លែង តាមបណ្ដោយទឹកជ្រោះ និងបានកសាងស្ពានតូចៗសម្រាប់ឆ្លងអូរ បានជាច្រើនកន្លែង មានរៀបចំផ្សារមួយកន្លែង(មានជាម្ហូបអា ហារ) និងប៉ុស្តិ៍សហគមន៍មួយកន្លែងផងដែរ។
រូបភាពដោយ អេលៀន មេឌៀរ (Alien Media)៖
