លោក សុំ សុបញ្ញា ដែលទើបតែបោះជំហ៊ាន ក្នុងសិល្បៈប៉ុន្មានខែនេះប៉ុណ្ណោះ។ ព្រោះតែមានត្រេមុខល្អ ស្អាតញញឹមស្រស់លោក ត្រូវផលិតករ ទាក់ទង យកសម្តែង និងថតស្បត។ តួកុនថ្មីមុខមាត់ដូចកូនកាត់រូបនេះ និយមរបៀបថតសម្តែង លក្ខណៈបែបមនោសញ្ចេតនាច្រើនជាងគេ ហាក់បីដូចចូលតួលឿនពេលបំពេញការងារ។
ប្រឡូកក្នុងសិល្បៈ ក្នុងជំហ៊ានមួយចៃដន្យ ដោយសារតែ មិត្តភក្តិមួយចំនួនចេះតែនាំគ្នា និយាយអោយចូលថតសម្តែង ព្រោះមុខមាត់សមជា តារា។ សព្វថ្ងៃនេះ សុំ សុបញ្ញា មមាញឹកជំនួញផ្ទាល់ខ្លួន ដោយយុវជនរូបនេះ មានដុងខាងរបររកសុីតាំងពីនៅតូច។ ម្ល៉ោះហើយមុនចូល សិល្បៈលោកមានបទពិសោធន៏ខ្លាំងខាងជំនួញ ។ តារាជើងថ្មីមានប្រភពកំណើតពីស្រុកកៀនស្វាយ ខេត្តកណ្តាល បានអោយដឹងថា លោកចូលចិត្តសិល្បៈច្រើនដែរ ទើបចង់ប្តូរបទពិសោធ៏ថ្មីៗ ដើម្បីបម្រើសិល្បៈ។ ណាមួយចង់ បង្ហាញស្នាដៃទុកខ្លះក្នុងជីវិតជាយុវវ័យ នៅមានកម្លាំង មានសម្រស់ គួរតែសាងអ្វីមួយអោយល្អ។
បញ្ញា ដែលតាំងចិត្តឈលើសិល្បៈ រឹងមាំបន្តទៀតថា ពេលនេះលោកបានថត បទចម្រៀង និងស្បតមួយចំនួន ហើយយល់ថាសិល្បៈគឺ រមែង កើតពីការតស៊ូ បើគ្រាន់តែស្រឡាញ់ អត់ស៊ូ អត់ជំនះនោះមិនបានទេ។ លោកមានតែពាក្យព្យាយាម ហើយខិតខំរៀនយកគន្លឹះ ផ្សេងៗទៀតពី រៀមច្បង និងស្តាប់តាមការណែនាំពីផលិតករ ឬអ្នកដឹកនាំ ដើម្បីជម្រុញទេពកោសល្យ អោយកាន់តែទៅមុខ។
លោកបន្ថែមថា ប្រសិនបើខ្វះខាត សម្តែងឆ្គង ត្រង់ប្រការណាមួយ សូមអធ្យាស្រ័យផងលោកនិងដុះខាត់ អោយល្អ។ លើសពីនេះក៏អរគុណ មិត្តភក្តិទាំងឡាយបានជួយជម្រុញ លើកទឹកចិត្តចូលសិល្បៈស្គាល់គេស្គាល់ឯង
