កំពង់ឆ្នាំង៖ ជនសង្ស័យម្នាក់ត្រូវបានកម្លាំងកងរាជអាវុធហត្ថខេត្តកំពង់ឆ្នាំង ឃាត់ខ្លួនពាក់ព័ន្ធករណីចែកចាយ និងរក្សាទុកដោយខុសច្បាប់នូវសារធាតុញៀន កាលពីវេលាម៉ោង២:០០នាទីរសៀល ថ្ងៃទី២០ខែកក្កដា ឆ្នាំ២០២០ នៅចំណុចភូមិចន្លោះរ៉េន ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។
កម្លាំងកងរាជអាវុធហត្ថខេត្តកំពង់ឆ្នាំង បានអោយដឹងថា ជនសង្ស័យខាងលើមានឈ្មោះ ជាតិ គឹមឡុង ភេទប្រុស អាយុ ១៧ឆ្នាំ មានទីលំនៅភូមិឧទុប្ពរ ឃុំស្វាយជ្រុំ ស្រុករលាប្អៀរ ។ ក្នុងប្រតិបត្តិការបង្រ្កាបនោះ បានដកហូតវត្ថុតាងរួមមាន ម្សៅក្រាមពណ៏សថ្លា (ម៉ាទឹកកក) ចំនួន ០៧ កញ្ចប់ ទម្ងន់ ២៣,២២ ក្រាម (គិតទាំងសំបកថង់វិចខ្ចប់) ម៉ូតូ ០១ គ្រឿង ម៉ាក CBR ពណ៏ស ស្លាកលេខ ភ្នំពេញ 1-B 6870 ទូរស័ព្ទដៃ៣គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថខេត្តកំពង់ឆ្នាំង កសាងសំណុំរឿងអនុវត្តតាមនីតិវិធី ៕
