កង​រាជ​អាវុធ​ហត្ថស្រុក​ទឹកផុស ឃាត់​បាន​​រ​ថយន្ត​ដឹកជញ្ជូន​​ឈើ​ខុស​ច្បា​ប់​មួយ​គ្រឿង​ ប្រគល់ឲ្យ​ខណ្ឌរដ្ឋ​បាល​​ព្រៃឈើ ចាត់​​ការ​​បន្ត​​​តាម​​​នីតិវិ​ធី​​

កំពង់ឆ្នាំង៖ នៅវេលា​ម៉ោង១០:​៣០នាទី​យប់ ថ្ងៃទី១១​ ខែកក្កដា​ ឆ្នាំ២០​២០ នៅ​​ចំណុចភូមិ​ដំណាក់​អំពិល ឃុំក្តុល​​សែន​ជ័យ ស្រុក​ទឹកផុស កម្លាំង​ក​ងរាជ​អាវុធហ​ត្ថស្រុក បានចុះឃាត់​រថយន្តម៉ាក​ហ៊ីយ៉ាន់​​ដាយ ពណ៌​ខៀវ​មួយគ្រឿង ស្លាក​លេខ​តាកែវ 3A-​1417 ​ដែល​​បាន​​ដឹក​ជញ្ជូន​អនុ​ផល​ព្រៃ​ឈើប្រភេទ​អុស​ស្ទែរ​ចម្រុះ​ចំនួន​ប្រមាណ១៥ ​ម៉ែត្រគូប ​​ដោយ​​គ្មាន​លិខិត​​​អនុញ្ញាត​ពីរដ្ឋបាល​ព្រៃ​ឈើ​។

កង​រាជអាវុធ​ហត្ថខេត្ត​កំពង់​ឆ្នាំង បាន​អោយ​ដឹងថា  អ្នក​បើកបរ​បានរត់​គេចខ្លួន​បាត់ ដោយឡែក​​បច្ចុប្បន្ន​រថយន្ត​និង​វត្ថុតាងត្រូវ​បាន​ប្រគល់​ជូន​ខណ្ឌរដ្ឋ​បាល​ព្រៃឈើ​កំពង់ឆ្នាំង នៅព្រឹក​ថ្ងៃទី១២​ខែកក្កដា​នេះ​ ដើម្បីចាត់​ការបន្ត​តាម​នីតិវិធី​ ។

គួរ​បញ្ជាក់ថា ប្រតិបត្តិ​ការ​ចុះ​ឃាត់​រថយន្ត​ដឹកឈើ​ខាងលើ ដឹកនាំ​ដោយ​លោកវរ​សេនីយ៌ត្រី​ ឌិន​ សំបុន មេ​បញ្ជាការ​​មូលដ្ឋាន​​ក​ង​រាជ​អាវុធ​ហត្ថ​ស្រុក​ទឹកផុស រួមនឹង​កម្លាំង​កងរាជអាវុធ​ហត្ថស្រុក​មួយ​ចំនួន​ទៀត​៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង