លោកជំទាវ កែវ ច័ន្ទមុនី អញ្ជើញ​ជួប​សំណេះ​សំណាល​ជាមួយ​ចាស់​ជរា​គ្មាន​ទីពឹង​ នៅ​ស្រុក​រលា​ប្អៀរ​

កំពង់ឆ្នាំង ៖ អ្នក​តំណាង​រាស្រ្តមណ្ឌល​កំពង់ឆ្នាំង លោកជំទាវ កែវ ច័ន្ទមុនី រួមដំណើរជាមួយលោកជំទាវ ឈឹម ស្រីមុំ  លោកស្រី ប៊ន សុភី អភិ​បា​ល​​​រងខេត្តកំពង់ឆ្នាំងនិងលោកស្រី ឡុញ ពិសា អនុប្រធានមន្ទីរប្រៃសនីយនិងទូរគមនាគមន៍ នៅថ្ងៃទី១៨ ខែមិថុនា ឆ្នាំ២០២០ នេះ បាន​អញ្ជើញ​​ចុះជួបផ្ទាល់ជាមួយប្រជាពលរដ្ឋដែលជាចាស់ជរាគ្មានទីពឹងជួបការលំបាកនិងស្រ្តីក្រីក្រ នៅឃុំទឹកហូត ស្រុករលាប្អៀរ ខេត្ត​កំពង់​ឆ្នាំង​។

នៅក្នុងជួបសំណេះសំណាលនាពេលនោះ លោកជំទាវ កែវ ច័ន្ទមុនី អ្នកតំណាងរាស្រ្តមណ្ឌលកំពង់ឆ្នាំង បាន​ពាំ​នាំ​នូវ​ប្រសាសន៍​ផ្តាំ​ផ្ញើ​សាក​សួរ​សុខទុក្ខពីសំណាក់សម្តេចអគ្គមហាសេនាបតីតេជោហ៊ុនសែន នាយក្រដ្ឋមន្រ្តី នៃព្រះរាជាណាចក្រកកម្ពុជា និង សម្តេចគតិព្រឹទ្ធបណ្ឌិតប៊ុនរ៉ានី ហ៊ុនសែន ប្រធានកាកបាទក្រហមកម្ពុជា និង សម្តេចប្រធានរដ្ឋសភា ព្រឹទ្ធសភា ដែលជានិច្ចកាសម្តេចតែងតែបានយកចិត្តទុកដាក់ គិតគូរ​ជា​និច្ច​ចំពោះ​ប្រជាពលរដ្ឋនៅគ្រប់មូលដ្ឋាន ។

លោកជំទាវ បានអោយដឹងទៀតថា ក្រោមការដឹកនាំរបស់រាជរដ្ឋាភិបាលនាពេលបច្ចុប្បន្នបានធ្វើអោយប្រទេសជាតិមានសុខ សន្តិភាព មាន​ការ​អភិវឌ្ឍន៍រីកចំរើនលើគ្រប់វិស័យនៅគ្រប់ទីកន្លែង ចាប់តាំងពីទីក្រុងរហូតដល់ជនបទ ។

លោកជំទាវ បានលើកឡើងទៀតថា បច្ចុប្បន្នដោយសារតែស្ថានភាព នៃការរីករាលដាលនៃជំងឺកូវីដ១៩ នៅលើសកល​លោក​និង​នៅ​កម្ពុជា​ផង​ដែរ​នោះ ប្រជាពលរដ្ឋយើងគ្រប់គ្នាត្រូវបង្កើនការប្រុងប្រយ័ត្នខ្ពស់ ចំពោះជំងឺនេះ ដែលអាចធ្វើអោយ​យើងអាច​ស្លាប់បាន​ប្រសិន​បើការ​ព្យាបាល​មិនបានទាន់ពេលវេលានោះ ។ ដើម្បីបញ្ចៀសបាន យើងទាំងអស់គ្នា ត្រូវរួមគ្នាប្រយុទ្ធប្រឆាំងនឹងជំងឺកូវីដ១៩នេះ ដោយប្រកាន់​ខ្ជាប់នូវ​អនា​ម័យ​​ជាប់​ជាប្រចាំ គឺត្រូវ ឧស្សាហ៍លាងសំអាតដៃនឹងអាល់កុល ឬសាប៊ូ ពាក់ម៉ាស់ និង ការដាក់គម្លាតសង្គម ពិសេសនោះ​គឺអនុវត្ត​នូវវិធាន​ណែ​នាំ​រ​បស់ក្រសួងសុខាភិបាល ។ ពិសេសគឺយើងត្រូវការពារកុំអោយរលកទី២នៃជំងឺ កូវីដ១៩ រីករាលនៅក្នុងសហគមន៍និង គ្រួសារ ។

អំណោយដែលបានផ្តល់ជូនដល់ប្រជាពលរដ្ឋនាពេលនោះក្នុងមួយគ្រួសារទទួលបានអង្ក២៥គីឡូក្រាម សារុង១ និង ថវិកា៦ម៉ឺនរៀលផងដែរ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង