ខេត្តកំពង់ឆ្នាំង ៖ មន្រ្តីនគរបាលជាតិនៃស្នងការដ្ឋាននគរបាលខេត្តកំពង់ឆ្នាំង ចំនួន១៩៥នាក់ នៅថ្ងៃទី១២ ខែមិថុនា ឆ្នាំ២០២០នេះ ត្រូវបានធ្វើពិធីប្រកាសផ្ទេរភារកិច្ច តែងតាំងមុខតំណែង និង បំពាក់ឋានន្តរសក្តិ ក្រោមអធិបតីភាពលោក អម សុភា អភិបាលរងខេត្តកំពង់ឆ្នាំង និង លោកឧត្តម សេនីយឯកហាវ ចាន់សិទ្ធី អនុប្រធាននាយកដ្ឋានបុគ្គលិក នៃអគ្គស្នងការដ្ឋាននគរបាលជាតិ ។
ឧត្តមសេនីយទោរខូវ លី ស្នងការ នៃស្នងការដ្ឋាននគរបាលកខេត្តកំពង់ឆ្នាំង បានអោយដឹងថា ដើម្បីលើកទឹកចិត្តដល់មន្រ្តីនគរបាលនៃស្នងការដ្ឋាននគរបាលខេត្តកំពង់ឆ្នាំង ដែលបានខិតខំបំពេញភារកិច្ចនាពេលកន្លង ថ្នាក់ដឹកនាំបានសម្រេចធ្វើការស្នើសុំមន្រ្តីនគរបាលចំនួន១៩៥នាក់ទៅអគ្គស្នងការនគរបាលជាតិ ដើម្បីផ្ទេរភារកិច្ច តែងតាំងមុខតំណែងនិងបំពាក់ឋានន្តរសក្តិ ។
ក្នុងឱកាសនោះ លោក អម សុភា អភិបាលរងខេត្តកំពង់ឆ្នាំង បានជម្រុងញដល់មន្រ្តីនគរបាលគ្រប់លំដាប់ថ្នាក់ទាំងអស់ ត្រូវបន្តខិតខំបន្ថែមទៀតក្នុងការផ្តល់សេវាសាធារណៈជូនប្រជាពលរដ្ឋ អោយបានឆាប់រហ័ស ដោយប្រកាន់ខ្ជាប់នូវសីលធម៌ គុណធម៌ និង ការទទួលខុសត្រូវខ្ពស់ ។ ធ្វើយ៉ាងណាអោយប្រជាពលរដ្ឋនៅក្នុងមូលដ្ឋានមានភាពជឿជាក់មកលើប៉ុស្តិរដ្ឋបាលដែលបានផ្តល់សេវាសាធារណៈ ដូចជាការធ្វើអត្តសញ្ញាណបណ្ណ សៀវភៅគ្រួសារ សៀវភៅស្នាក់នៅនិងចូលរួមការពារសន្តិសុខអោយបានល្អប្រសើរជូនប្រជាពលរដ្ឋ ។
លោកឧត្តមសេនីយឯក ហាវ ចាន់សិទ្ធី អនុប្រធាននាយកដ្ឋានបុគ្គលិក នៃអគ្គស្នងការដ្ឋាននគរបាលជាតិ បានគូសបញ្ជាក់ថា បញ្ហាចម្បងក៏ដូចជាទិសដៅដែលមន្ត្រីនគរបាលគ្រប់រូបត្រូវអនុវត្តបន្តទៀតនោះ គឺការពាររាជរដ្ឋាភិបាលស្របច្បាប់។នគរបាលត្រូវតែឈានមុខគេនូវការអនុវត្តច្បាប់ ធ្វើជាគំរូល្អ ដល់ប្រជាពលរដ្ឋ គោរពវិន័យតួនាទីភារកិច្ចរបស់ខ្លួន ប្រកបដោយប្រសិទ្ធភាពខ្ពស់ ។
ចំពោះមន្ត្រីនគរបាលដែលទើបទទួលការផ្ទេរភារកិច្ច តែងតាំងមុខតំណែង និង បំពាក់ឋានន្តរសក្តិនាពេលនេះ ត្រូវធ្វើជាគំរូល្អដល់ប្រជាពលរដ្ឋនិងសង្គមហីយ ខិតខំបំរើសេវាសាធារណៈអោយបានល្អខិតខំប្រឹងប្រែងក្នុងការរក្សាសន្តិសុខជូនប្រជាពលរដ្ឋនៅមូលដ្ឋាន។ ក្រៅពីនេះត្រូវតែបង្កើនសមត្ថភាព ពង្រឹងចំណេះដឹង ការងាររៀនសូត្រ ដកស្រង់នូវបទពិសោធន៏ល្អៗ យកទៅអនុវត្តក្នុងការបំពេញការងារ ។ ម៉្យាងទៀតត្រូវមានការសាមគ្គីភាពផ្ទៃក្នុងដើម្បីបំពេញការងារអោយទទួលបានជោគជ័យ ។ ជាមួយនេះក៏ត្រូវតែបន្តយកចិត្តទុកដាក់នូវការអនុវត្តគោលនយោបាយភូមិឃុំមានសុវត្ថិភាព ធ្វើយ៉ាងណាអោយមូលដ្ឋានបញ្ចៀសអោយអស់នូវអំពើអប្បាយមុខនានា និង ទប់ស្កាត់បាននូវរាល់បទល្មើសផ្សេងៗនៅក្នុងសង្គមធានាបានសន្តិសុខជូនប្រជាពលរដ្ឋ ៕
