កំពង់ឆ្នាំង ៖ អំណោយជាស្បៀងនិងរបស់ប្រើប្រាស់ របស់អង្គការទស្សន៍ពិភពលោក ផ្តល់ជូនប្រជាពលរដ្ឋដែលងាយរងគ្រោះនៅក្នុងឃុំជលសា តាមរយៈរដ្ឋបាលស្រុកជលគិរី កាលពីថ្ងៃទី១០ ខែមិថុនា ឆ្នាំ២០២០ ។
លោក ធូ ផល្លី អភិបាលរងស្រុកជលគិរី បានអោយដឹងថា ប្រជាពលរដ្ឋដែលជួបការលំបាកនិងងាយរងគ្រោះនេះ មកពីភូមិចំនួន៤ គឺភូមិព្រែកទ្រព្យ ភូមិឬស្សីដង្កួច ភូមិកំពង់បាស្រូវ និងភូមិកំពង់បាស្រូវត្បូង ឃុំជលសា សរុបចំនួន៤០គ្រួសារ ក្នុងមួយគ្រួសារទទួលបានអង្ករ២៥គីឡូ និងសាប៊ូ៤ដុំ ។
លោកអភិបាលរងស្រុក បានថ្លែងអំណរគុណយ៉ាងជ្រាលជ្រៅចំពោះអង្គការទស្សនៈពិភពលោកដែលបានចូលរួមសកម្មភាពមនុស្សធម៌ជាមួយរដ្ឋបាលស្រុកជលគិរីដើម្បីជួយដល់ប្រជាពលរដ្ឋដែលងាយរងគ្រោះ ក្នុងដំណាក់នៃការរាតត្បាតជំងឺកូវីដ១៩នេះ ។
លោកអភិបាលរងស្រុក ក៏បានផ្តាំផ្ញើរដល់ប្រជាពលរដ្ឋទាំងអស់ត្រូវចូលរួម ថែរស្សាសុខភាពជាប្រចាំ ពិសេសគឺអនវុត្តអោយបានត្រឹមត្រូវតាមការណែនាំរបស់ក្រសួងសុខាភិបាល គឹត្រូពាក់ម៉ាស់ លាងដៃសម្អាតជាមួយនិងសាប៊ូអោយបានញឹកញាប់ និង រក្សានៅគម្លាតអោយឆ្ងាយពីគ្នា និង ត្រូវចូលរួមទប់ស្កាត់កុំអោយមានការរីករាលដាលនៃជំងឺនេះដល់សហគមន៍ និង ក្រុមគ្រួសារ ហើយប្រសិនបើដឹងថា មានការសង្ស័យត្រូវរាយការណ៍មកអាជ្ញាធរ ឬ ពេទ្យដែលនៅជិត ដើម្បីជួយអន្តរាគមន៍អោយបានទាន់ពេលវេលា៕
