កំពង់ឆ្នាំង ៖ ជនសង្ស័យម្នាក់ត្រូវបានសមត្ថកិច្ចធ្វើការឃាត់ ខ្លួនបន្ទាប់ពីម្ចាស់ហាងប្តឹងសមត្ថកិច្ចក្រោយពីជនសង្ស័យរូបនេះយកគ្រឿងអលង្គការក្លែងក្លាយយកមកបញ្ចាំ កាលពីវេលាម៉ោង៧និង៣០នាទីថ្ងៃទី២៤ ខែឧសភា នៅភូមិតាំងគ្រង ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង ។
សមត្ថកិច្ចបានអោយដឹងថា ជនសង្ស័យដែលត្រូវឃាត់ខ្លួននេះមានឈ្មោះ ប៉ិច ភារ: ភេទប្រុស អាយុ៣០ឆ្នាំ រស់នៅភូមិជុំទាវជ្រែង ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង ដោយឡែកម្ចាស់ទីតាំងបញ្ចាំមានឈ្មោះអ៊ិត សារឹម ភេទស្រី អាយុ ៣៨ឆ្នាំ រស់នៅភូមិតាំងគ្រង ឃុំក្រាំងល្វា ស្រុកសាមគ្គីមានជ័យ ។
