ក្នុងរយៈពេល ០២ថ្ងៃ ពោលគិតចាប់ពីថ្ងៃទី២០ដល់ថ្ងៃទី២២ ខែឧសភា ឆ្នាំ២០២០ កម្លាំងប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តកំពង់ឆ្នាំង ដោយមានការសម្របសម្រួលពីលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង បានចុះបង្ក្រាបបានអ្នកប្រើប្រាស់គ្រឿងញៀន និងអ្នកជួញដូរ ក្នុងស្រុកសាមគ្គឺមានជ័យ ចំនួន២០នាក់ ក្នុងនោះមានចាប់តាមដីកានិងបទល្មើសជាក់ស្ដែង ។
បើតាមស្នងការដ្ឋាននគរបាលខេត្តកំពង់ឆ្នាំង បានអោយដឹងថា ក្រៅពីឃាត់ខ្លួនមនុស្សចំនួន២០នាក់ នគរបាលក៏រឹបអូសបានវត្ថុតាង ដែលមានម៉ូតូ១៣គ្រឿង និងឧបករណ៍ប្រើប្រាស់គ្រឿងញៀន រួមទាំងគ្រឿងញៀនមួយចំនួនទៀតផង៕
