តារាសម្តែងដែល បានលេចមុខក្នុងសិល្បៈលើសកម្មភាពថតរឿងជាច្រើន លោកឆាលី នៅតែបំពេញការងារសិល្បៈតាមចំណូលចិត្ត។ ដើម្បីបំបែកទីផ្សារអោយកាន់តែប្រសើរឡើង លោកបានជ្រើសរើសតារាសម្តែង ស្រីថ្មោងថ្មីម្នាក់ដែលស្រស់ស្អាត មករួមដៃគូសម្តែង។
លោក ឆាលី នៅតែស្រឡាញ់សិល្បៈ បើទោះជាប្រឡូកច្រើនឆ្នាំមកហើយនោះ។ ទោះជាដឹងថាជីវិតលើ សិល្បៈជួបរឿងប្លែកៗច្រើនក៏លោកនៅតែ អើតខ្លួនឈ្មុលដើរទៅមុខដោយភាពក្លាហាន។ បច្ចុប្បន្ននេះលោក នៅតែបង្ហាញវត្តមាននៅ ក្នុងពិភពគុន ពិសេសខាងថតភាពយន្តភាគនិងដុំ។ តស៊ូជាមួយការងារ លោកបានផលិតករមួយចំនួនទាក់ទងផ្តល់ការងាររហូតមក។
ជាក់ស្តែងថ្មីៗនេះលោកបានបណ្តើរ កញ្ញាតារាសម្តែងជើងថ្មី មុខស្រទន់រចនា វត្តី ធ្វើអោយគេសួរនាំ ខុសពីពេលកន្លងមក។ យ៉ាងណាលោកឆាលីឆ្លើយថា លោករាប់អានវត្តី ហើយឃើញថាគាត់មុខមាត់ស្អាត សមជាតារាសម្តែង។ ពេលសួរនាំក៏ឃើញថាវត្តីចូលចិត្តសិល្បៈ ចង់ប្រឡូកសាកល្បងថាទៅរួចបែបណា។ ម្ល៉ោះហើយលោកក៏សាកល្បងណែនាំតាមកម្មវិធីសង្គមសិល្បៈ។
ចំណែក រចនា វត្តី មានប្រភពមកពីខេត្តតាកែវ បានអោយដឹងថា កញ្ញានិងព្យាយាមបង្ហាញស្នាដៃក្នុងសិល្បៈ តាមតែអាចធ្វើបាន ប្រសិនបើមានគេចាប់អារម្មណ៏។ នាងគ្រាន់តែចង់បាន សម្រេចបំណង តាំងពីតូចមកថានឹងបោះជំហានសិល្បៈ។ អរគុណអ្នកបើកផ្លូវ បើទោះមិនទាន់ដឹងបែបណា តែសប្បាយចិត្តមានតម្រុយល្អៗចូល។
