អគ្គិភ័យ​ឆេះ​ផ្ទះ​ប្រជាពលរដ្ឋ​១៦ខ្នង​ នៅ​សង្កាត់​ទួលសង្កែ​ទី១​ ខណ្ឌ​ឬស្សី​កែវ​

អគ្គិភ័យ​មួយបានឆាបឆេះផ្ទះប្រជាពលរដ្ឋយ៉ាងសន្ធោសន្ធៅ នៅវេលាម៉ោងជិត ១០ព្រឹកថ្ងៃទី២៥ ខែកុម្ភៈ ឆ្នាំ២០២០នេះ នៅ​លើ​​ផ្លូវរថភ្លើងភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ បណ្តាលអោយឆេះផ្ទះ១៦ខ្នង និងបន្ទប់ជួល ៧៩បន្ទប់ ស្មើនិង៩៥គ្រួសារ ។

អគ្គីភ័យបានឆាបឆេះនេះ​ត្រូវបានរលត់វិញនៅវេលាម៉ោង​ ១០ និង៣០នាទី ក្រោយការអន្តរាគមន៍ពន្លត់ពី អាជ្ញាធរ និង​កម្លាំង​មាន​សមត្ថកិច្ច​។ ចំពោះមូលហេតុនៃការឆេះសមត្ថកិច្ចកំពុងធ្វើការស្រាវជ្រាវ ។

ក្នុងប្រតិបត្តិការ កម្លាំងនគរបាលនៃ​ការិយាល័យបង្ការ​ និងពន្លត់អគ្គីភ័យ​នៃស្នងការ​នគរបាលដ្ឋាន​រាជធានី​ភ្នំពេញ​បាន​ប្រើប្រាស់​រថយន្ត ពន្លត់អគ្គីភ័យសរុប ៤៣គ្រឿង។

គួរបញ្ជាក់ថា គ្រោះអគ្គីភ័យនេះ មិនបានបណ្ដាលអោយប្រជាពលរដ្ឋណាម្នាក់មានគ្រោះថ្នាក់ដល់អាយុជីវិតឡើយ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង