ក្រុមអន្តរាគមន៍បង្ក្រាបបទល្មើស ចលនាសត្វនៃអគ្គដ្ឋានសុខភាពសត្វ និងផលិតកម្មសត្វបានចាប់រថយន្ត ១គ្រឿង ដឹកសាច់សត្វបង្កក ចំនួន ២៧៥កេសក្រដាស ស្មើនឹង ៣តោន៧២០គីឡូក្រាម (ស្លាបមាន់ និងជើងជ្រូក) នៅព្រឹកថ្ងៃទី០៥ ខែកក្កដានេះ នៅលើផ្លូវទំនប់កប់ស្រូវ សង្កាត់គោករកា ខណ្ឌព្រែកព្នៅ រាជធានីភ្នំពេញ។
រថយន្តខាងលើបានដឹកសាច់សត្វបង្កក ចេញពីប្រទេសវៀតណាម តាមច្រករបៀង ស្រុកពញាក្រែក ខេត្តត្បូងឃ្មុំ មកចែកចាយ នៅរាជធានីភ្នំពេញ ដោយគ្មានលិខិតអនុញ្ញាតអ្វីទាំងអស់ នេះបើតាមការឆ្លើយបញ្ជាក់ពីអ្នកបើកបររថយន្តដឹកសាច់បង្កក ។
ក្រុមការងារ បាននាំយកវត្ថុតាងបទល្មើសខាងលើមករក្សារទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់៕
