សមា​គម​គ្រូ​ពេទ្យ​ស្ម័គ្រ​ចិត្ត​យុវជន​សម្ដេច​តេ​ជោ​ ចុះ​ពិនិត្យ​និង​ព្យាបាល​ជំងឺ​ឥត​គិត​ថ្លៃ​ ជូន​ប្រជា​ពល​រដ្ឋ​នៅ​ខេត្តកណ្ដាល​

សមាគម​គ្រូពេទ្យ​ស្ម័គ្រ​ចិត្តយុវជន​សម្ដេចតេជោ(TYDA) ​បានចុះពិនិត្យ​និង​ព្យាបាល​ជំងឺជូន​ប្រជាពលរដ្ឋ ដោយ​ឥត​គិត​ថ្លៃ​ក្នុង​ខេត្តកណ្ដាល កាល​​ពី​ព្រឹកថ្ងៃទី១៥ ខែកុម្ភៈ ឆ្នាំ២០២០។ ការចុះពិនិត្យនិង​ព្យាបាល​ជំងឺ​ដោយឥតគិតថ្លៃនេះ បាន​ធ្វើ​ឡើង​នៅ​ក្នុង​​បរិវេណ​សាលា​បឋម​សិក្សា ​ជា ស៊ីម អង្គ​រជ័យ ស្ថិតភូមិ​អ​ង្គរជ័យ ឃុំ​បន្ទាយ​ដែក ស្រុក​គៀនស្វាយ ​។

អនុប្រធាន​ក្រុមប្រឹក្សា​ភិបាល​សមាគមគ្រូពេទ្យស្ម័គ្រចិត្ត​យុវជនសម្ដេចតេជោ លោកជំទាវ ពេជ ចន្ទមុន្នី បានមាន​ប្រសាសន៍​ថា សម្តេចតេជោ ហ៊ុន សែន​ និងសម្តេច​កិតិ្តព្រឹទ្ធបណ្ឌិត បានយកចិត្តទុកដាក់ ចំពោះសុខទុក្ខ និងសុខមាល​ភាព​របស់​ប្រជា​ពល​រដ្ឋ​នៅ​គ្រប់​ទី​កន្លែង។ សម្តេច​ទាំង​ពីរ​​បាន​ឲ្យ​សមាគម ​ចុះផ្តល់​សេវា​ពិនិត្យ​និង​ព្យាបាល​ជូន​ប្រជាពលរដ្ឋ​ដល់មូលដ្ឋាន​តែម្តង។​

ជាមួយគ្នានោះ ឯកឧត្តម គុណ ញឹម ប្រតិភូរាជរដ្ឋាភិបាលទទួលបន្ទុកអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា និង​ជា​ប្រធាន​ក្រុម​ការងារ​​ថ្នាក់ជាតិចុះជួយស្រុកកៀនស្វាយ ក៏បានបានថ្លែង អំណរ គុណសម្ដេចតេជោ ហ៊ុន សែន និង​សម្ដេច​កិតិ្ត​ព្រឹទ្ធបណ្ឌិត ដែល​បាន​យក​ចិត្ត​ទុក​ដាក់ចំពោះ​សុខទុក្ខ និងសុខ​ភាព​របស់ប្រជាពល​រដ្ឋតាមរយៈ​ការចុះពិនិត្យ និង​ព្យា​បាល​ប្រជា​ពលរដ្ឋនៅមូលដ្ឋាន និងបាន បញ្ជូន​ករណី​ធ្ងន់ធ្ងរ​ទៅព្យាបាលបន្តនៅរាជធានីភ្នំពេញបន្ថែមទៀត។

គួរបញ្ជាក់ថា នេះគឺជាលើកទី៦ហើយ ដែលសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) បានចុះពិនិត្យ និងព្យា​បា​ល​​ជូន​ប្រជា​ពល​រដ្ឋ​ដោយឥតគិតថ្លៃនៅក្នុងខេត្តកណ្តាល។ ជាមួយគ្នានោះ ការចុះពិនិត្យ និង​ព្យា​បាល​ជំងឺ​​ជូន​ប្រជា​ពលរដ្ឋ​នេះ មានការចូលរួមពីសំណាក់ កម្លាំង​ស្ម័គ្រ​ចិត្ត នៃក្រុមការងារសមាគម TYDA ក្រុមការងារចុះជួយស្រុកកៀនស្វាយ អាជ្ញាធរ សប្បុ​រស​ជន យុវជន ផ្នែកដែល​ពាក់ព័ន្ធនានាផងដែរ។

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង