សម្តេចតេជោ ហ៊ុន សែន ប្រកាសឈប់ប្រើFacebook ដោយបង្វែរមកប្រើTelegram និងTikTok វិញ

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅយប់ថ្ងៃទី២៩ ខែមិថុនា បាន​សម្រេច​ឈប់​ប្រើប្រាស់Facebook ដែលមានអ្នកចូលរួមជាង១៤លាននាក់ជាស្ថាពរ ព្រមទាំងឲ្យជំនួយ​ការរបស់សម្តេច​លុបចោលគណនីFacebook និងប្រាប់ទៅក្រុមហ៊ុនFacebook ឲ្យលប់​ឈ្មោះ​សម្តេច​ចេញពីបញ្ជីFacebook ។

តាមរយៈឆាណែលtelegram សម្តេចតេជោ ហ៊ុន សែន បានបញ្ជាក់ថា ដោយសាររយះ​ពេល​កន្លងមកមានការក្លែងបន្លំគណនី​ហ្វេកបុក(Facebook)របស់សម្តេចជាច្រើនដែលមាន​រហូត​ជាង​២០ដែលធ្វើឲ្យមានការភ័នច្រឡំពីអ្នកប្រើប្រាស់Facebook ដូចគ្នា។ ម្យ៉ាងទៀត​មួយ​រយះ​ពេលចុងក្រោយនេះ សម្តេច​បានរកឃើញបណ្តាញទំនាក់ទំនងដែលមានប្រសិទ្ធភាព​ជាង គឺបណ្តាញតេឡេក្រាម(Telegram)ដែលមិនបារម្មណ៍ពីការចូលលួចដូចFacebook ។

សម្តេចតេជោ នាយករដ្ឋមន្ត្រីនៃកម្ពុជា ក៏សូមការយោគយល់ពីអ្នករាប់អានសម្តេចតាមFacebook និងសូមបង្វែរមកភ្ជាប់ជាមួយឆាណែលtelegram វិញដើម្បីទទួលបានព័ត៌មាន​និងមានយោបល់​មកសម្តេចតាមរយះតេឡេក្រាមវិញ។ ហើយចាប់ពីពេលនេះFacebook ណាមានឈ្មោះ ហ៊ុន សែន គឺក្លែងក្លាយទាំងអស់។

ជាមួយគ្នា សម្តេចតេជោ ក៏បានបង្កើតគណនីTikTok ថ្មី និងមាន​មនុស្ស២​នាក់​យក​ឈ្មោះ​សម្តេច​ទៅបង្កើតTikTok ដែលមួយមានអ្នកតាមជាង៣០ម៉ឺននាក់ ចូលចិត្តជាង៤លាននាក់ ឯមួយទៀត​មានអ្នកតាម១លាន២សែននាក់និងអ្នកចូលចិត្តជាង១២លាននាក់៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង